Björk notar raddir í stað hljóðfæra

Björk Guðmundsdóttir er nú í Lundúnum að leggja lokahönd á væntanlega breiðskífu, The Lake Album, sem gefa á út á þessu ári. Upptökum lauk hér á landi fyrir viku. Á plötunni heyrast engin hljóðfæri, allir taktar og undirspil eru búin til með röddum Bjarkar og samstarfsmanna hennar.

Þeirra á meðal eru japanski raddlistamaðurinn Dokaka, Mike Patton söngvari Fantomas og kanadíska inúítasöngkonan Tagaq, sem sungið hefur með Björk á tónleikum. Einnig koma við sögu Mark Bell, sem hefur oft unnið með Björk, Rahzel úr The Roots og íslenskur kór sem settur var saman til að syngja á plötunni.