Kvikmynd sem byggir á Beðmálum í borginni

Svo gæti farið að kvik­mynd yrði gerð sem bygg­ir á sjón­varpsþátt­un­um Beðmál í borg­inni (Sex and the City), en þætt­ir í síðustu þáttaröðinni verða sýnd­ir í sjón­varpi í Banda­ríkj­un­um og víðar á næstu mánuðum. Michael Pat­rick King, stjórn­andi þátt­anna, hef­ur unnið hand­rit að kvik­mynd­inni og kap­al­stöðin, HBO, sem sýn­ir þætt­ina, hef­ur rætt við leik­end­ur um að taka þátt í gerð henn­ar, að sögn BBC.

Talsmaður HBO seg­ir að King komi einnig til með að leik­stýra kvik­mynd­inni ef af verður. Hins veg­ar hef­ur ekki verið ákveðið hvenær tök­ur gætu haf­ist. Beðmál í borg­inni hóf­ust árið 1998 og hafa unnið til fjölda verðlauna og notið veru­legra vin­sælda í Banda­ríkj­un­um og víðar. Beðmál í borg­inni eru meðal vin­sæl­ustu þátta sem HBO hef­ur sýnt og urðu fyrstu sjón­varpsþætt­ir frá kap­al­stöð til þess að vinna Emmy verðlaun fyr­ir bestu gam­anþætt­ina árið 2001.

• Blogga um frétt