Nætursvefn gefur hærri einkunn
Setja bókamerki
Námsmenn sem vaka heilu næturnar við próflestur ættu ef til vill að hugsa sig tvisvar um og fá í staðinn góðan nætursvefn því að samkvæmt niðurstöðum nýrrar könnunar sem gerð var í Bandaríkjunum fá þeir sem aldrei lesa undir próf á nóttunni lítið eitt hærri einkunnir en nátthrafnarnir.
Könnunin var gerð meðal 120 nemenda við lítinn háskóla í New York. Þeir nemendur sem aldrei höfðu vakað heila nótt yfir skólabókunum höfðu að meðaltali fengið örlítið hærri einkunnir en þeir sem lesið höfðu á nóttunni.
Munurinn reyndist að vísu lítill, en höfundur könnunarinnar, Pamela Thacher, aðstoðarprófessor í sálfræði, segir niðurstöðurnar engu að síður sláandi. Hún sinnir rannsóknum á svefni og fullyrðir að enginn geti hugsað skýrt klukkan fjögur á nóttunni.
Niðurstöðurnar verða birtar í janúarhefti tímaritsins Behavioral Sleep Medicine.
Skattamál verði líklega „þeirra mesta klemma“
Samfylking og Viðreisn gáfu loforð
„Þetta er ríkisstjórn almannahagsmuna“
Alvarleg netárás á Wise
Ók á hóp fólks á jólamarkaði: Einn látinn
Bjarni: „Útilokað að þetta geti gengið upp“
Lát hjóna í Neskaupstað: Ákæra gefin út
Var engin kristnitaka árið 1000?
