Bandaríska tæknifyrirtækið Microsoft segist stefna að því að gefa út næstu útgáfu Windows stýrikerfisins, sem hefur gengið undir nafninu Longhorn, seint á árinu 2006. Til þess að það takist verður fyrirtækið að hætta endurhönnun á WinFS, sem er nokkurs konar geymslukerfi i Longhorn. WinFS miðar að því að auðvelda flokkun, söfnun og miðlun upplýsinga og gagna í stýrikerfinu.
Microsoft hefur þurft að fresta útgáfu Longhorn í nokkur skipti. Nú stefnir fyrirtækið að útgáfu á stýrikerfinu á fimm ára afmæli Windows XP, að sögn BBC. Útgáfan er ekki síst talin mikilvæg fyrir framleiðendur tölva sem sjá aukna sölu í tölvum með tilkomu nýs stýrikerfis.
Fram kemur að framleiðsla á WinFS sé mikilvæg einkum í ljósi þess að geymslurými í tölvum hafi vaxið gríðarlega án þess að leitarskilyrði í Windows séu tekin til endurskoðunar. Hins vegar ekki gert ráð fyrir að WinFS verði til staðar fyrr en í útgáfu Longhorn á síðari stigum.