Tölvunotendur hvattir til að uppfæra vírusvarnir fyrir 3. febrúar

Tölvueigendur hafa verið hvattir til að uppfæra vírusvarnir sínar og láta hugbúnað leita eftir veirum og öðrum óværum fyrir 3. febrúar næstkomandi til að koma í veg fyrir að verða fórnarlömb vírusar sem nefnist Nyxem-E Windows og eyðir Word-, Powerpoint-, Excel- og Acrobatskrám í sýktum tölvum. Vírusinn verður virkur 3. febrúar næstkomandi.

Talið er að vírusinn hafi komið sér inn í tölvur fólks með sýktum viðhengjum í tölvuskeytum.

Vírusins varð fyrst vart 16. janúar síðastliðinn og hefur valdið nokkrum usla síðan. Vírusinn, sem nefnist Nyxem-E er einnig þekktur sem Blackmal, MyWife, Kama Sutre, Grew og CME-24.

BBC

• Blogga um frétt