Heimaríkur köttur
Setja bókamerki
Kötturinn Jack, sem býr i West Milford í New Jersey í Bandaríkjunum, er heimaríkur og þolir ekki að óviðkomandi séu að þvælast á hans yfirráðasvæði. Í vikunni flúði meira að segja svartbjörn undan kettinum upp í tré.
Jack er venjulegur gulur og hvítur heimilisköttur sem gætir þess vel að smádýr séu ekki að flækjast í garðinum. „Við vorum vön að segja í gríni: Jack er á verði, kannski ræðst hann á björn," sagði Donna Dickey, eigandi kisa.
Nágrannar Dickey sáu í vikunni að björn klifraði upp í tré í garðinum þeirra og Jack settist síðan við tréð. Nágrannarnir héldu fyrst að kötturinn væri að skoða björninn en sáu síðan að björninn var hræddur við hvæsandi köttinn.
Eftir um 15 mínútur fór björninn niður úr trénu en Jack réðist á hann aftur og þá klifraði björninn upp í annað tré.
Dickey kallaði nú á Jack og björninn notaði tækifærið og flúði inn í skóg.
Birnir eru frekar algengir í West Milford.
Ný ríkisstjórn kynnt á morgun
Fyrsti blaðamannafundurinn í heild sinni
Funda með þingflokkum
„Börn heima sem maður myndi vilja hafa í skjóli“
Skattamál verði líklega „þeirra mesta klemma“
„Þetta er ríkisstjórn almannahagsmuna“
Víkingar komnir yfir 800 milljónir í greiðslur
