Hugsanleg merki um fljótandi vatn á Mars

Fljótandi vatn kann að hafa verið á Mars á undanförnum fimm árum, að því er vísindamenn hjá NASA greindu frá í dag. Þetta gæti þýtt að líf kynni að geta þrifist á plánetunni. Er þetta byggt á myndum sem Mars-farið Global Surveyor tók af yfirborði plánetunnar og sýna nýlega breytingar á yfirborðinu, og telja vísindamenn að þær kunni að mega rekja til rennandi vatns.

Mynd af yfirborði Mars, sem talið er að kunni að sýna farvegi eftir vatn sem runnið hafi nýlega. Myndin var tekin 12. október. Reuters

• Blogga um frétt