Vel tengd amma
Setja bókamerki
Það getur verið ergilegt að vinna með hægvirka nettengingu, en Sigbritt Löthberg sem er 75 ára Svíi þarf ekki að hafa áhyggjur af slíku. Hún fékk fyrir skömmu sína nettengingu sem var engin venjuleg tenging. Hún fékk ofurbreiðbandstengingu með 40 gígabit á sekúndu.
Samkvæmt frétt í sænska blaðinu Ny Teknik er Löthberg með um það bil fjögur þúsund sinnum hraðari nettengingu en flestir aðrir.
Ástæðan er sú að Sigbritt er móðir Peter Löthberg sem er athafnamaður í netheimum og oft kallaður faðir sænska internetsins sem er að prófa sig áfram með nýtt verkefni.
Sigbritt sagðist hafa litast aðeins um á netinu, „sörfað” aðeins en að hún hefði ekki alveg kunnað á það. „Það hitnar vel í kringum maskínurnar svo ég notaði það til að þurrka þvott,” sagði hún í samtali við Ny Teknik.
En sonur hennar hefur nefnilega fengið að setja nokkra risabeina (router) upp í bílskúrnum hjá mömmu sinni.
Með 40 gigabita tengingu getur Sigbritt Löthberg tekið inn 1500 sjónvarpsrásir í hæstu upplausn (hdtv) eða hlaðið niður heilli kvikmynd á tveimur sekúndum.
Ellefu stjórnmálasamtök skiluðu inn framboðsgögnum
Seldu mat en máttu það ekki
Fátæk börn almennt verr stödd á öllum sviðum
Vistir af skornum skammti og nágranninn ófundinn
Faðir Dags gagnrýnir Kristrúnu
ASÍ gerir ekki athugasemdir
„Miklu meira en bara yfirmaður”