Breki á reynslu í Danmörku

Breki Baldursson, leikmaður Fram í Bestu deild karla í knattspyrnu, er staddur hjá danska B-deildarliðinu Esbjerg á reynslu og verður þar næstu tvær vikurnar.

Breki er á átjánda aldursári og hefur spilað sautján leiki í efstu deild fyrir Fram ásamt tólf landsleikjum fyrir yngri landsliðin.

Esbjerg er sögufrægt félag í Danmörku en hefur verið í miklum vandræðum undanfarin ár. Liðið komst upp úr C-deildinni í vor eftir tveggja ára dvöl þar.

• Blogga um frétt