11. umferð: Hafa spilað alla leiki félagsins
Setja bókamerki
Tindastóll frá Sauðárkróki náði þeim áfanga í fyrrakvöld að spila sinn 50. leik í efstu deild kvenna í fótbolta og tveir leikmanna liðsins hafa tekið þátt í öllum fimmtíu leikjunum.
Það eru varnarmaðurinn Bryndís Rut Haraldsdóttir, sem hefur verið í byrjunarliði og fyrirliði liðsins í öllum þessum 50 leikjum, á árunum 2021, 2023 og svo í ár, og miðjumaðurinn Hugrún Pálsdóttir. Þá hefur María Dögg Jóhannesdóttir aðeins misst af einum leik og spilað 49 leiki fyrir félagið í deildinni.
Kristrún Rut Antonsdóttir úr Þrótti lék sinn 100. leik í efstu deild í gærkvöld þegar Þróttarar töpuðu naumlega fyrir Val á Hlíðarenda, 1:0. Hún á að baki 89 leiki í deildinni með Selfyssingum og hefur síðan spilað alla ellefu leiki Þróttar á þessu tímabili.
Þá náði Akureyrarliðið Þór/KA þeim áfanga í gærkvöld þegar það mætti FH fyrir norðan að spila sinn 400. leik í efstu deild. Þar lék liðið fyrst árið 1993, þá undir merkjum ÍBA, en hefur leikið í deildinni frá árinu 2000 lengst af sem Þór/KA, en einnig sem Þór/KA/KS í fjögur ár.
FH náði áfanga í sama leik en sigur Hafnarfjarðarliðsins á Akureyri, 1:0, var 100. sigurinn í sögu félagsins í efstu deild, eða frá því félagið varð fyrsti Íslandsmeistarinn í kvennaflokki árið 1972.
Úrslitin í 11. umferð:
Stjarnan - Keflavík 1:0
Tindastóll - Breiðablik 0:1
Fylkir - Víkingur R. 0:0
Valur - Þróttur R. 1:0
Þór/KA - FH 0:1
Markahæstar:
12 Sandra María Jessen, Þór/KA
7 Agla María Albertsdóttir, Breiðabliki
7 Vigdís Lilja Kristjánsdóttir, Breiðabliki
7 Amanda Andradóttir, Val
6 Jordyn Rhodes, Tindastóli
6 Andrea Rut Bjarnadóttir, Breiðabliki
5 Hafdís Bára Höskuldsdóttir, Víkingi
5 Ísabella Sara Tryggvadóttir, Val
5 Jasmín Erla Ingadóttir, Val
4 Eva Rut Ásþórsdóttir, Fylki
4 Kristrún Rut Antonsdóttir, Þrótti
4 Snædís María Jörundsdóttir, FH
3 Birta Georgsdóttir, Breiðabliki
3 Breukelen Woodard, FH
3 Fanndís Friðriksdóttir, Val
3 Guðrún Elísabet Björgvinsdóttir, Val
3 Hannah Sharts, Stjörnunni
3 Hildigunnur Ýr Benediktsdóttir, FH
3 Ída Marín Hermannsdóttir, FH
3 Katrín Ásbjörnsdóttir, Breiðabliki
3 Selma Dögg Björgvinsdóttir, Víkingi
3 Sigdís Eva Bárðardóttir, Víkingi
Næstu leikir:
6.7. Tindastóll - Stjarnan
7.7. Víkingur R. - Valur
7.7. Keflavík - Fylkir
7.7. Þróttur R. - Þór/KA
7.7. FH - Breiðablik
Auglýsingarnar áhyggjuefni
„Ég mun drepa þig og fjölskyldu þína“
Vegir landsins: Hvar er klæðing og hvar er malbik?
„Lítur mjög illa út gagnvart þessum hópi fólks“
Þrjú lömb urðu dýrbít að bráð og líklega fleiri
Sunak sagður óttast það að tapa eigin þingsæti
Lítill sveigjanleiki frekar vandamálið