Selfoss og KFG gerðu jafntefli, 2:2, í 2. deild karla í knattspyrnu á Selfossi í kvöld.
Selfoss er í toppsæti deildarinnar með 26 stig, þremur stigum á undan Víkingi Ólafsvík og fjórum stigum á undan KFA. KFG er í tíunda sæti með ellefu stig.
KFG komst óvænt í 2:0 þökk sé mörkum frá Bjarka Haukssyni og Jóni Arnari Barðdal en Jón Vignir Pétursson minnkaði muninn fyrir Selfóss á 74. mínútu, 2:1.
Reynir Freyr Sveinsson jafnaði metin undir blálok leiks fyrir Selfoss, 2:2, og þar við sat.