Tveir leikmenn úr Bestu deild kvenna í knattspyrnu voru úrskurðaðir í eins leiks bann á fundi aga- og úrskurðarnefndar Knattspyrnusambands Íslands, KSÍ, í dag.
Báðir koma þeir úr Fylki, sem féll úr Bestu deildinni um liðna helgi.
Erna Sólveig Sverrisdóttir og Marija Radojicic hafa báðar fengið fjórar áminningar í deildinni á tímabilinu og fara af þeim sökum í eins leiks bann.
Missa þær af lokaleik Fylkis gegn Keflavík, sem einnig féll úr deildinni um helgina, um næstu helgi og er tímabili Ernu Sólveigar og Mariju því lokið.