Ísak Snær Þorvaldsson, leikmaður Breiðabliks í knattspyrnu, furðar sig á þeirri ákvörðun aga- og úrskurðarnefndar KSÍ að úrskurða Böðvar Böðvarsson ekki í leikbann vegna olnbogaskots sem hann gaf Guðmundi Kristjánssyni.
Guðmundur var í dag úrskurðaður í eins leiks bann fyrir að bregðast við olnbogaskotinu með því að veita Böðvari kjaftshögg en sá síðarnefndi fer ekki í leikbann.
Ísak Snæ þykir það skjóta skökku við og rifjar upp á X-aðgangi sínum þegar Omar Sowe, sem þá lék með Breiðabliki, var úrskurðaður í tveggja leikja bann fyrir olnbogaskot í leik gegn Leikni úr Reykjavík, sem Sowe leikur nú með.
Í báðum tilvikum var stuðst við myndbandsupptökur eftir að dómarar leiksins sáu ekki atvikin.
??🤧 pic.twitter.com/0NNNu7CWSc
— Ísak Snær Þorvaldsson (@isaks10) September 11, 2024