Börkur Edvardsson hefur tilkynnt að hann hætti sem formaður knattspyrnudeildar Vals eftir 21 ár í starfi þegar haustfundur félagsins fer fram næstkomandi mánudag.
Börkur tók við sem formaður knattspyrnudeildarinnar árið 2003 og unnu kvenna- og karlaliðin til alls 14 Íslandsmeistaratitla og tíu bikarmeistaratitla á þeim tíma.
„Ég hef ákveðið að láta staðar numið eftir 21 ár í sjálfboðaliðastarfi og mun ekki bjóða mig fram til formanns né til stjórnarsetu í knattspyrnudeild Vals á komandi haustfundi félagsins sem haldinn verður 21. október,“ skrifaði hann í opinni færslu á Facebook-síðu sinni.