Breiðablik fær sérstaklega úthlutað 250 miðum á úrslitaleik Víkings og Breiðabliks í Bestu deild karla í fótbolta sem fram fer á Víkingsvellinum á sunnudagskvöldið.
Þetta kemur fram í tilkynningu Breiðabliks til félagsmanna á samfélagsmiðlum í kvöld.
Þar er sagt að töluvert færri en vilja muni komast að á leiknum en önnur miðasala sé í höndum Víkinga og hefjist á morgun, þriðjudag.
Um leið hvetja Blikar sitt fólk til að mæta í Smárann og horfa á leikinn þar á stórum skjá.
Þegar Víkingar urðu Íslandsmeistarar með sigri á Leikni í lokaumferðinni haustið 2021 var uppselt á Víkingsvöllinn og áhorfendur þar skráðir 2.023.