Með sigrinum gegn Cercle Brugge frá Belgíu í Sambandsdeild Evrópu í knattspyrnu karla tryggði karlalið Víkings úr Reykjavík sér 60 milljónir íslenskra króna.
Víkingur er fyrsta íslenska liðið til að vinna leik í lokakeppni í Evrópu. Fyrir sigur í Sambandsdeildinni fást 400 þúsund evrur, eða um 60 milljónir íslenskra króna.
Þá fá lið 133 þúsund evrur, eða 20 milljónir króna fyrir jafntefli.
Breiðablik komst í Sambandsdeildina í fyrra en náði hvorki jafntefli né sigri í sex leikjum.