Åge: Hann vildi vera heima

Landsliðsmaðurinn Hjörtur Hermannsson er ekki í hópnum sem mætir Wales og Svartfjallalandi í Þjóðadeildinni í fótbolta síðar í mánuðinum.

Hjörtur hefur lítið spilað fyrir Carrarese á Ítalíu síðan hann kom til félagsins í sumar frá Pisa og þá var hann að eignast sitt annað barn á dögunum.

„Okkur vantar fleiri miðverði í hópinn. Hjörtur hefur ekki verið að spila í sínu liði og svo var eiginkona hans að fæða barn og hann vildi vera heima,“ sagði landsliðsþjálfarinn Åge Hareide í samtali við mbl.is í dag.

Hann sagði ekki marga leikmenn vera nálægt því að fá kallið í hópinn, sem voru ekki valdir.

„Annars var lítið um það. Það hefur enginn úr U21 árs liðinu bankað á dyrnar og svo vildi ég breyta hópnum eins lítið og ég gat. Við höfum gert ágætlega, þrátt fyrir að Hákon og Albert séu að glíma við meiðsli.“

• Blogga um frétt