Þjálfari Íslandsmeistaranna: „Þetta er djók“

Nik Chamberlain, þjálfari Íslandsmeistara Breiðabliks í kvennafótboltanum, var harðorður í garð Reykjavíkurmótsins í færslu sem hann birti á samfélagsmiðlinum X í gær.

Nik deildi þar pistli Elvars Geirs Magnússonar, ritstjóra fótbolta.net, þar sem hann ræddi mótafyrirkomulagið og að það væri úr sér gengið.

Frétt af mbl.is

Ótrúleg vanvirðing við leikmennina

Elvar kom meðal annars með þá uppástungu að leggja mótið niður og taka upp hreinan úrslitaleik í janúar þar sem efstu tvö lið Bestu deildarinnar, sem eru staðsett í Reykjavík, mætast í hreinum úrslitaleik.

Mætti enginn til að afhenda bikarinn

„Það er leiðinlegt að segja það en Reykjavíkurmótið kvennamegin, þetta er djók,“ sagði Nik í færslu sinni.

„Árið 2022 mætti enginn til þess að afhenda bikarinn. Árið 2023 var enginn úrslitaleikur og árið 2024 neituðu tvö stórlið að taka þátt vegna þess sem gerðist árið 2023.

Árið 2025 var Stjörnunni boðið að taka þátt því það vantaði lið, þær vinna mótið en enda samt í öðru sæti,“ segir enn fremur í færslunni.

Frétt af mbl.is

Hefði aldrei gerst í karlaboltanum

• Blogga um frétt