Heiðdís aftur til Breiðabliks

Knattspyrnukonan Heiðdís Lillýjardóttir er gengin aftur til liðs við Breiðablik. Síðast var Heiðdís á mála hjá Basel í Sviss en fór þaðan eftir að hafa tilkynnt félaginu að hún væri barnshafandi.

Heiðdís eignaðist sitt fyrsta barn, dótturina Lillý, í ágúst á síðasta ári ásamt handknattleiksmanninum Hjálmtý Alfreðssyni.

Frétt af mbl.is

Lýsir ömurlegri framkomu eftir óléttutilkynningu

Hún lék með Breiðabliki frá 2017 til 2022 og varð tvisvar Íslandsmeistari og tvisvar bikarmeistari með liðinu en ólst upp hjá Hetti á Egilsstöðum. Hún lék síðan með Selfyssingum í tvö ár áður en hún fór til Breiðabliks.

Heiðdís er 28 ára gömul og leikur í stöðu miðvarðar. Hún var lánuð til Benfica í Portúgal í byrjun árs 2022, lék svo með Breiðabliki síðar það ár og gekk svo til liðs við Basel í mars árið 2023. 

Hún á að baki 126 leiki í efstu deild hér á landi með Breiðabliki og Selfossi og ennfremur 60 leiki með Hetti  1. deild. 

• Blogga um frétt