Arfleiddi ástkært félag sitt að hárri upphæð

Hall­dór B. Jóns­son, fyrr­ver­andi formaður knatt­spyrnu­deild­ar Fram og vara­formaður KSÍ, arf­leiddi fé­lagið sem stóð hon­um næst að dágóðri upp­hæð líkt og nú­ver­andi formaður knatt­spyrnu­deild­ar Fram grein­ir frá.

Vís­ir vek­ur at­hygli á því að í árs­reikn­ingi Fram fyr­ir árið 2024 hafi upp­hæð „annarra styrkja“ verið 143,4 millj­ón­um króna hærri en árið á und­an. Upp­hæðin nam 176,8 millj­ón­um króna árið 2024 en 33,4 millj­ón­um króna árið 2023.

Frétt af mbl.is

And­lát: Hall­dór B. Jóns­son

Guðmund­ur Torfa­son formaður knatt­spyrnu­deild­ar Fram sagði við Vísi að hann gæti ekki gefið upp ná­kvæma upp­hæð vegna trúnaðar en staðfesti að Fram hafi verið í erfðaskrá Hall­dórs og að upp­hæðin sem hann hafi eft­ir­látið fé­lag­inu hafi verið „dágóð.“

Hall­dór tók við for­mennsku í knatt­spyrnu­deild Fram árið 1981. Hall­dór og stjórn­ar­menn hans í Fram lögðu mikla áhersla að styrkja meist­ara­flokk Fram, sem varð mjög sig­ur­sæll und­ir stjórn Ásgeirs Elías­son­ar þjálf­ara en liðið vann þá 15 bik­ara á sjö árum.

Meðal ann­ars varð fé­lagið Íslands­meist­ari þris­var sinn­um og bik­ar­meist­ari jafnoft.

• Blogga um frétt