HK bætir við sig framherja

Knatt­spyrnumaður­inn Jó­hann Þór Arn­ars­son er geng­inn til liðs við HK og leik­ur með Kópa­vogsliðinu í 1. deild­inni á kom­andi keppn­is­tíma­bili. Hann hef­ur skrifað und­ir þriggja ára samn­ing við fé­lagið.

Jó­hann er 22 ára gam­all sókn­ar­maður og lék níu leiki með Kefla­vík í Bestu deild­inni árið 2023 en gekk síðan til liðs við Þrótt í Vog­um. Þar var hann í hópi marka­hæstu manna í 2. deild­inni á síðasta ári þegar Þrótt­arliðið missti naum­lega af sæti í 1. deild, og skoraði 12 mörk í 21 leik.

Áður skoraði Jó­hann 29 mörk á tveim­ur tíma­bil­um fyr­ir Víði úr Garði í 3. deild, þá sem lánsmaður frá Kefl­vík­ing­um.

Hann ólst ann­ars upp hjá FH og hafði leikið fimm leiki með U16-ára landsliði Íslands þegar hann gekk sex­tán ára gam­all til liðs við Kefl­vík­inga.

• Blogga um frétt