Byrjunarlið Íslands: Arnar gerir fimm breytingar

Arn­ar Gunn­laugs­son, landsliðsþjálf­ari karla í fót­bolta, hef­ur til­kynnt sitt fyrsta byrj­un­arlið en Ísland mæt­ir Kósóvó í fyrri leik liðanna í um­spili um sæti í B-deild Þjóðadeild­ar­inn­ar í Prist­ínu í kvöld.

Alls eru fimm breyt­ing­ar á liðinu frá því gegn Wales í nóv­em­ber er Åge Harei­de stýrði ís­lenska liðinu í síðasta skipti. Þá still­ir Arn­ar upp reynslu­mik­illi þriggja manna vörn, með væng­bakvörðum.

Þeir Aron Ein­ar Gunn­ars­son, Mika­el Eg­ill Ell­erts­son, Há­kon Arn­ar Har­alds­son, Logi Tóm­as­son og Al­bert Guðmunds­son koma inn í liðið í staðinn fyr­ir Jón Dag Þor­steins­son, Jó­hann Berg Guðmunds­son, Arn­ór Ingva Trausta­son, Val­geir Lund­dal Friðriks­son og Al­fons Samp­sted.

Byrj­un­arlið Íslands:

Mark: Há­kon Rafn Valdi­mars­son.

Vörn: Guðlaug­ur Victor Páls­son, Aron Ein­ar Gunn­ars­son, Sverr­ir Ingi Inga­son.

Miðja: Mika­el Eg­ill Ell­erts­son, Ísak Berg­mann Jó­hann­es­son, Há­kon Arn­ar Har­alds­son, Logi Tóm­as­son.

Sókn: Al­bert Guðmunds­son, Orri Steinn Óskars­son, Andri Lucas Guðjohnsen.

• Blogga um frétt