Spænskur kantmaður í Árbæinn

Karlalið Fylk­is í knatt­spyrnu hef­ur samið við spænska kant­mann­inn Pablo Aguil­ar um að leika með liðinu á kom­andi tíma­bili.

Aguil­ar er 26 ára gam­all og get­ur leyst all­ar stöður fremst á vell­in­um en líður best á kant­in­um. Hann lék síðast fyr­ir Thund­er­ing Herd, lið Mars­hall-há­skól­ans í Banda­ríkj­un­um, og gerði það und­an­far­in þrjú ár.

Áður hafði Aguil­ar leikið með nokkr­um liðum í neðri deild­um Spán­ar og lék þar á und­an með Valencia og Elche í yngri flokk­um.

Fylk­ir hef­ur ekki til­kynnt form­lega um skipt­in, ger­ir það að öll­um lík­ind­um á morg­un, en Aguil­ar er þegar kom­inn með leik­heim­ild hjá Árbæj­arliðinu. Fylk­ir féll úr Bestu deild­inni á síðasta tíma­bili og leik­ur því í 1. deild á kom­andi tíma­bili.

• Blogga um frétt