Enska knattspyrnufélagið Arsenal hefur sett sig í samband við ítalska varnarmanninn Riccardo Calafiori, leikmann Bologna.
Calafiori átti frábært tímabil með Bologna í heimalandinu en liðið komst í Meistaradeildina í fyrsta sinn í yfir 60 ár.
Þá var hann lykilmaður í liði Ítala á Evrópumótinu í Þýskalandi en liðið féll úr leik í 16-liða úrslitum gegn Sviss, en þá tók Calafiori út leikbann og spilaði ekki.
Arsenal hefur haft samband við varnarmanninn sem er sagður hafa áhuga á að ganga í raðir félagsins.
Samkvæmt ítölskum miðlum yrði verðmiðinn á Calafiori í kringum 50 milljónir evra.