Leikmaður Chelsea missti bílprófið

Knattspyrnumaðurinn Enzo Fernández, leikmaður Chelsea og heimsmeistara Argentínu, hefur verið sviptur ökuréttindum sínum næsta hálfa árið vegna tveggja umferðarlagabrota.

Fernández vildi ekki gefa upp hver ók Porsche-bifreið sinni þegar hún fór yfir á rauðu ljósi í Wales í nóvember árið 2023 og ekki heldur við hraðakstur í desember sama ár.

Miðjumaðurinn mætti ekki fyrir rétt í Llanelli í Wales þar sem hann var í verkefni með argentínska landsliðinu á dögunum.

Fernández var þegar kominn með níu refsipunkta fyrir hraðakstur og missir því prófið næstu sex mánuði.

• Blogga um frétt