„Meiri líkur á að ég vinni Strictly“

Paul Merson, fyrrverandi knattspyrnumaður og núverandi sparkspekingur hjá Sky Sports, gefur lítið fyrir ummæli Ange Postecoglou, knattspyrnustjóra Tottenham Hotspur, um að hann vinni alltaf til bikars á öðru tímabili sínu með þeim liðum sem Postecoglou stýrir.

„Ég vinn alltaf titla á mínu öðru ári hjá fé­lagi. Það breyt­ist ekk­ert.

Nú er ég bú­inn að segja þetta, og ég er ekki van­ur að sega eitt­hvað án þess að trúa því sjálfur," sagði Postecoglou við Sky Sports eftir 0:1-tap fyrir Arsenal í ensku úrvalsdeildinni í gær.

Frétt af mbl.is

Ég vinn alltaf titil á öðru ári

Merson, sem lék með Arsenal frá 1985 til 1997, tekur um þessar mundir þátt í raunveruleikaþáttunum Strictly Come Dancing, þar sem frægt fólk er parað saman við atvinnudansara og pörin keppa í dansi.

Hann er enginn atvinnudansari nema síður sé og sagði um ummæli Postecoglou:

„Ég kann vel við Ange en það eru meiri líkur á að ég vinni Strictly. Það eru líkurnar sem ég gef þeim á að vinna til bikars.“

Tottenham vann síðast enska deildabikarinn árið 2008.

• Blogga um frétt