Íþróttir | Enski boltinn | mbl | 6.10.2024 | 15:04

Enn mistókst United að vinna

Marcus Rashford skýtur að marki Aston Villa í dag. Ljósmynd/Manchester United

Aston Villa og Manchester United skildu jöfn, 0:0, í ensku úrvalsdeildinni í fótbolta á Villa Park í dag. Aston Villa er með 14 stig í 5. sæti. United er í 14. sæti með átta stig.

Manchester United hefur nú leikið fimm leiki í röð í öllum keppnum án þess að vinna. Þá eru sigrarnir aðeins tveir í síðustu níu leikjum. Þar á meðal er sigur á Barnsley úr C-deildinni í deildabikarnum.

Liðinum gekk illa að skapa sér gott færi í fyrri hálfleik. Marcus Rashford átti skot beint á Emiliano Martínez snemma leiks og Morgan Rodgers skaut rétt framhjá marki United skömmu síðar. Jaden Philogene-Bidace lét vaða af 20 metra færi á 20. mínútu en boltinn fór framhjá marki gestanna.

Lítið markvert gerðist eftir það og var staðan í leikhléi því markalaus.

Seinni hálfleikurinn spilaðist svipað og sá fyrri. Liðunum gekk illa að skapa sér gott færi og var leikurinn frekar lokaður.

Bruno Fernandes komst næst því að skora þegar hann negldi boltanum í slána úr aukaspyrnu á 68. mínútu. Jaden Philogene-Bidace komst nálægt hinum megin í uppbótartíma en hann skaut í Diogo Dalot og framhjá úr góðu færi í teignum.

Inn vildi boltinn hins vegar ekki og liðin skiptu með sér stigunum.

Lýsing uppfærist sjálfkrafa

Allar lýsingar í beinni

Aðrir virkir leikir

KA	0:4	KR	Skoða leik
87. mín. Benoný Breki Andrésson (KR) skorar 0:4. KR-ingar sundurspila KA-menn og Benóný Breki kemst einn gegn Steinþóri.
Augnablik — sæki gögn...

ÍA	4:1	FH	Skoða leik
90. mín. Leik lokið +4 mínútur.
Augnablik — sæki gögn...

Víkingur R.	0:0	Stjarnan	Skoða leik
1. mín. Leikur hafinn Víkingar byrja leikinn.
Augnablik — sæki gögn...

HK	0:0	Fylkir	Skoða leik
1. mín. Leikur hafinn Fylkismenn byrja með boltann og sækja til austurs, í áttina að hesthúsunum, nú eða bara í átt til vinstri, séð úr stúkunni.
Augnablik — sæki gögn...