Norski knattspyrnumaðurinn Martin Ödegaard, fyrirliði Arsenal, er á undan áætlun samkvæmt stjóranum Mikel Arteta.
Ödegaard meiddist illa í landsleik með Noregi í september og hefur verið frá leik síðan.
Búist var við því að Ödegaard kæmi til baka eftir næsta landsleikjahlé, sem er eftir rúman mánuð, en á blaðamannafundi sagðist Arteta búast við miðjumanninum fyrir það.
Arsenal er í þriðja sæti ensku úrvalsdeildarinnar með 17 stig, einu stigi á eftir toppliði Liverpool.