Bakslag hjá sóknarmanni Manchester United

Mason Mount, leikmaður enska knattspyrnufélagsins Manchester United, verður lengur frá keppni vegna meiðsla en forráðamenn liðsins höfðu gert ráð fyrir.

Þetta tilkynnti Erik ten Hag, stjóri liðsins, á blaðamannafundi í gær en Mount, sem er 25 ára gamall, hefur verið frá keppni vegna meiðsla aftan í læri í rúmlega mánuð.

Óvíst er hvenær hann snýr aftur á völlinn en hann hefur misst af síðustu þremur leikjum United vegna meiðslanna. Hann var fjarri góðu gamni í fjóra mánuði á síðustu leiktíð vegna meiðsla á kálfa.

Hann gekk til liðs við United frá uppeldisfélagi sínu Chelsea sumarið 2023 en hefur aðeins náð að leika 25 leiki fyrir félagið í öllum keppnum þar sem hann hefur skorað eitt mark og lagt upp eitt.

• Blogga um frétt