Guardiola biðst afsökunar

Pep Guardiola, knattspyrnustjóri karlaliðs Englandsmeistara Manchester City, hefur beðist afsökunar á ummælum sem hann lét falla á blaðamannafundi í gærkvöldi. 

Guardiola sat fyrir svörum eftir að lið hans tapaði niður þriggja marka forskoti gegn Feyenoord frá Hollandi í Meistaradeild Evrópu en leiknum lauk með 3:3-jafntefli. 

Guardiola var útklóraður eftir leik og sagðist hafa sjálfur klórað sig því hann vildi „meiða sig.“

Frétt af mbl.is

Stórfurðulegt svar Guardiola eftir hrunið mikla

Ætlaði ekki að gera lítið úr málefninu

Guardiola baðst afsökunar á ummælunum á X-síðu sinni og sagðist ekki ætla hafa gert lítið úr eins alvarlegu máli og sjálfskaða. 

Embætti land­lækn­is bend­ir á að mik­il­vægt sé að þeir sem glíma við sjálfs­vígs­hugs­an­ir segi ein­hverj­um frá líðan sinni, hvort sem er aðstand­anda eða hafi sam­band við Hjálp­arsíma Rauða kross-ins 1717, eða á net­spjalli 1717.is, við hjúkr­un­ar­fræðing í net­spjalli á heilsu­vera.is eða við ráðgjafa í síma Píeta-sam­tak­anna s. 552-2218. Píeta-sam­tök­in bjóða einnig upp á ráðgjöf og stuðning fyr­ir aðstand­end­ur þeirra sem glíma við sjálfs­vígs­hugs­an­ir.

Fyr­ir þau sem misst hafa ást­vin í sjálfs­vígi bend­ir land­læknisembættið á stuðning í sorg hjá Sorg-armiðstöðinni í síma 551-4141 og hjá Píeta-sam­tök­un­um í síma 552-2218.

• Blogga um frétt