Eiður Smári Guðjohnsen og Margrét Lára Viðarsdóttir voru gestir Harðar Magnússonar í Vellinum á Símanum sport í gærkvöldi en þau ræddu 16. umferð ensku úrvalsdeildar karla í knattspyrnu. 

Meðal umræðuefna var framkoma Spánverjans Marc Cucurella bakvarðar Chelsea en hann lét reka sig af velli eftir sigur Chelsea og Brentford. 

Þá var hann á gulu og fór að rífast við Kevin Schade sóknarmann Brentford við hliðin á dómaranum sem gaf honum annað gult spjald og þar með rautt. 

Cucurella skoraði sitt fyrsta úrvalsdeildarmark fyrr í leiknum en hann hefur verið mikið í sviðsljósinu undanfarið því í þar síðasta leik gegn Tottenham rann hann tvisvar og í bæði skiptin skoruðu Tottenham. 

Hann endaði á því að breyta um takkaskó og Chelsea vann loks leikinn. 

„Hann byrjaði á því að stela fyrirsögnum á upphafsmínútum í síðasta leik og þarna gerði hann það í lok leiks. 

Það var svo mikið að gerast í kringum hann. Það byrja bara einhver fíflalæti. 

Maður skilur ekki alveg, þú ert búinn að skora þitt fyrsta mark og ættir að vera glaður en það var einhver ofboðsleg reiði í honum,“ sagði Eiður Smári meðal annars en umræðuna í heild sinni má sjá í spilaranum hér að ofan. 

Tengdar fréttir

Völlurinn

Margrét Lára: Furðuleg ákvörðun

• Margrét Lára: Eiður er náttúrlega svo gamall
• Eiður: Kemur á óvart hversu mikið hrun þetta er
• Eiður: Lítil mistök að kosta United
• Eiður: Aldeilis maður stóru augnablikanna

» Fleiri tengdar fréttir

• Blogga um frétt