Dramatískur seinni hálfleikur á Anfield
Setja bókamerki
Topplið Liverpool gerði 2:2-jafntefli við Manchester United á Anfield í 20. umferð í ensku úrvalsdeild karla í knattspyrnu.
Liverpool er með 46 stig á toppi deildarinnar og United er í 13. sæti með helmingi færri stig.
Ryan Gravenberch fékk fyrsta færi leiksins en það kom eftir stundarfjórðung. Cody Gakpo sendi boltann í hlaupaleið Gravenberch sem skaut rétt fram hjá. Stuttu seinna fékk Liverpool annað færi eftir frábæra sendingu Mohamed Salah á Alexis Mac Allister. Sendingin fór yfir Mac Allister sem tók boltann í fyrstu snertingu og þrumaði honum á markið en Amadou Onana varði vel.
Gravenberch lét svo vaða af löngu færi á 29. mínútu sem fór rétt fram hjá og eftir það fóru United-menn aðeins í gang. Liverpool hélt boltanum vel en United-menn sóttu hratt en gekk illa beint fyrir framan markið. Þeir sóttu upp vinstra megin og áttu fínar fyrirgjafir en Amad Diallo átti lélegan skalla í burtu frá Liverpool-markinu og Ibrahima Konate, sem var að spila sinn fyrsta leik frá því í nóvember, átti góða hreinsun.
Rasmus Hojlund komst einn á móti marki undir lok fyrri hálfleiks en Alisson varði vel af stuttu færi og staðan var 0:0 í hálfleik.
United byrjaði seinni hálfleik af miklum krafti og komst yfir á 52. mínútu. Trent Alexander-Arnold sendi lélega sendingu á miðjuna í uppspili og Bruno Fernandes keyrði í átt að markinu. Hann dró þrjá varnarmenn til sín en sendi svo á Lisandro Martínez sem slapp í gegn og skoraði.
Cody Gakpo jafnaði metin fyrir Liverpool stuttu síðar eftir flotta sendingu frá Alexis Mac Allister. Gakpo var með flott hlaup inn í teig, var yfirvegaður á boltann og beið á meðan Mattijs de Ligt renndi sér fram hjá honum og þrumaði boltanum svo í þaknetið.
Á 70. mínútu fékk Liverpool vítaspyrnu eftir að boltinn fór beint í höndina á De Ligt inn í teig.
Mohamed Salah fór á punktinn og setti hann fram hjá Onana sem valdi rétt horn en náði ekki að stoppa boltann.
Á 80. mínútu jafnaði Amad Diallo metin fyrir United í 2:2, gegn gangi leiksins eftir flotta fyrirgjöf frá Alejandro Garnacho.
Á lokamínútu leiksins fékk United dauðafæri eftir aukaspyrnu. Liverpool-menn náðu að hreinsa en United vann boltann strax til baka og sótti hratt. Joshua Zirkzee sendi boltann á miðvörðinn Harry Maguire, sem var hátt uppi á vellinum eftir fasta leikatriðið, hann var með mikið af plássi inn í teig en þrumaði boltanum yfir markið í fyrstu snertingu og leikurinn endaði 2:2.
| Liverpool | 2:2 | Man. United |
|
|---|---|---|---|
| Hörkufæri hjá United en þeir ná ekki að skora og Liverpool sækir hratt. | |||
Sækja um leyfi fyrir kúluhúsin
Tár féllu á þingflokksfundi
MDE tekur fyrir mál Gráa hersins
Afturkalla ætti byggingarleyfið
Tekur ekki ákvörðun á þessum tímapunkti
„Afleitt að leggja af kerfi þegar nýtt er ekki til“
Tóku bæ á stærð við Reykjanesbæ á sitt vald