Yfirgaf völlinn á sjúkrabörum
Setja bókamerki
Brasilíski knattspyrnumaðurinn Gabriel Jesus var borinn af velli þegar Arsenal féll úr leik gegn Manchester United í 32-liða úrslitum ensku bikarkeppninnar í Lundúnum í gær.
United fagnaði sigri eftir vítakeppni, 5:4, en staðan að loknum venjulega leiktíma var 1:1 þar sem Bruno Fernandes kom United yfir á 52. mínútu en Gabriel jafnaði metin fyrir Arsenal á 63. mínútu.
Meiddist í fyrri hálfleik
Leikurinn var hádramatískur því á 61. mínútu fékk Diogo Dalot að líta sitt annað gula spjald og þar með rautt í liði United og þá varði Altay Bayindir, markvörður United, vítaspyrnu Norðmannsins Martins Ödegaards á 72. mínútu.
Jesus meiddist í fyrri hálfleik á 40. mínútu eftir samstuð við Bruno Fernandes en hann hélt um hnéð á sér þegar hann lá í grasinu.
Óvíst er hversu lengi framherjinn verður frá keppni en þeir Bukayo Saka, Ethan Nwaneri, Takehiro Tomiyasu og Ben White eru allir meiddir hjá Arsenal.
Fann fjölda dauðra gæsa: „Mjög óhugnanlegt“
Stór gagnaleki og Íslendingar fá beiðni frá Tinder
Bendir til kvikuhreyfinga
Íbúar uggandi vegna sprenginga
Viðurinn sem kveikti í skóginum
/frimg/1/54/13/1541351.jpg)
„Mjög þungt hljóð í fólki“