Dani á leið til Manchester United

Manchester United er langt komið með að ganga frá kaupum á danska bakverðinum Patrick Dorgu frá Lecce á Ítalíu, en þar leikur hann við hlið Þóris Jóhanns Helgasonar í A-deildinni.

Dorgu er tvítugur vinstri b akvörður sem kom til Lecce frá Nordsjælland árið 2022 og hefur spilað 53 leiki í A-deildinni. Hann hefur þegar leikið fjóra A-landsleiki fyrir Danmörku og skorað eitt mark.

Samkvæmt félagaskiptasérfræðingnum Fabrizio Romano er samkomulag við Lecce í höfn, sem og langtímasamningur við bakvörðinn, og reiknað er með því að hann verði orðinn leikmaður United eftir sólarhring eða svo. 

Kaupverðið sé um 30 milljón evrur.

• Blogga um frétt