Búast ekki við slæmum meiðslum

Trent Alexander-Arnold fór meiddur af velli í 2:0-sigri Liverpool á Bournemouth í ensku úrvalsdeildinni í knattspyrnu á laugardag.

Á fréttamannafundi eftir leikinn sagði Arne Slot, knattspyrnustjóri Liverpool, að Alexander-Arnold hafi beðið um að fara af velli eftir að hafa fundið til framan á læri til þess að koma í veg fyrir verri meiðsli.

Alexander-Arnold fer í myndatöku í dag til þess að fá úr því skorið hve alvarleg meiðslin eru en samkvæmt staðarblaðinu Liverpool Echo býst félagið ekki við því að bakvörðurinn öflugi verði lengi frá.

• Blogga um frétt