Segir Guardiola hafa skaðað fótboltann

Ítalski knatt­spyrn­u­stjór­inn fyrr­ver­andi Fabio Cap­ello seg­ir að Pep Guar­di­ola, knatt­spyrn­u­stjóri Manchester City, hafi skaðað ímynd fót­bolt­ans.

Cap­ello og Guar­di­ola þekkj­ast ágæt­lega eft­ir að hafa unnið sam­an hjá Roma, tíma­bilið 2002-03 en Guar­di­ola var þá leikmaður liðsins og Cap­ello stjór­inn.

Guar­di­ola hef­ur stýrt Manchester City frá sumr­inu 2016 og náð ótrú­leg­um ár­angri með liðið en hann er að ganga í gegn­um sitt versta tíma­bil í Manchester frá því að hann tók við.

Snýst allt um hann

„Það sem fer mest í taug­arn­ar á mér við Guar­di­ola er það hvað hann er mik­il hrokagikk­ur,“ sagði Cap­ello.

„Þetta snýst alltaf um hann og það hef­ur verið talað um það í gegn­um tíðina að hann sé að of­hugsa hlut­ina of mikið. Hann ger­ir breyt­ing­ar fyr­ir stærstu leik­ina en hann ger­ir það svo hann geti eignað sér heiður­inn af því.

Hann hef­ur skaðað fót­bolt­ann. Það hafa all­ir reynt að herma eft­ir því sem hann er að gera und­an­far­in tíu ár og hverju hef­ur það skilað, ít­alsk­ur fót­bolti er ónýt­ur í dag, þökk sé hon­um. Ein­kenn­is­merki hans eru al­gjör­lega horf­in,“ bætti Cap­ello við.

• Blogga um frétt