Tókst loksins að skora fyrir United

Fyrstu mörk Rasmus Höj­lunds og Al­ej­andro Garnacho í rúm­lega 20 leikj­um tryggðu Manchester United 3:0-sig­ur á Leicester City á úti­velli í ensku úr­vals­deild karla í knatt­spyrnu í kvöld.

Manchester United er í 13. sæti deild­ar­inn­ar með 37 stig en Leicester er í 19. og næst­neðsta sæt­inu með 17 stig og er níu stig­um frá því að kom­ast úr fallsæti.

United var með yf­ir­hönd­ina í fyrri hálfleik en heima­menn fengu nokk­ur færi. Jamie Var­dy komst í hættu­legt færi eft­ir aðeins fjór­ar mín­út­ur þegar hann var mætt­ur gegn mark­manni und­ir smá pressu frá Victor Lindelöf en skaut beint á André On­ana sem varði.

Christian Erik­sen var ná­lægt því að koma United yfir þegar 23 mín­út­ur voru liðnar af leikn­um en hann tók stutta horn­spyrnu á Bruno Fern­and­es, fékk send­ingu til baka frá hon­um og setti bolt­ann í stöng­ina.

Fimm mín­út­um síðar komst United yfir en markið gerði danski fram­herj­inn Rasmus Höj­lund með hægri fæti eft­ir send­ingu í gegn frá Fern­and­es. Höj­lund skoraði síðast í deild­inni 7. des­em­ber í 3:2-tapi gegn Nott­ing­ham For­est.

Rasmus Hoj­lund með bolt­ann í kvöld. AFP/​Adri­an Denn­is

Und­ir lok fyrri hálfleiks fékk Pat­son Daka frá­bært tæki­færi til þess að jafna met­in fyr­ir Leicester en hinn 18 ára gamli Ayd­en Hea­ven kastaði sér fyr­ir skotið. Þetta var fyrsti byrj­un­arliðsleik­ur hans í deild­inni og hann stóð sig vel í fyrri hálfleik. Hann hélt áfram góðu gengi í upp­hafi seinni hálfleiks þegar heima­menn sóttu hratt og hann vann kapp­hlaup við Daka um bolt­ann en meiddi sig þegar hann hreinsaði bolt­ann burt og fór með bör­um af velli eft­ir aðeins 51 mín­útu.

Al­ej­andro Garnacho skoraði sitt fyrsta mark í deild­inni síðan 10. nóv­em­ber en það kom líka gegn Leicester. Hann fékk bolt­ann inn í miðjan teig­inn frá Fern­and­es, tók góðan snún­ing og hamraði bolt­an­um í netið.

Þetta var fyrsta mark Höj­lund í 22 leikj­um og fyrsta mark Garnacho í 24 leikj­um.

Fyr­irliðinn kóróaði svo frá­bær­an leik sinn með marki á 90. mín­útu eft­ir flott­an und­ir­bún­ing frá Di­ogo Dalot. Væng­bakvörður­inn setti varn­ar­mann Leicester á rass­inn með ein­föld­um skær­um, kom svo með frá­bæra send­ingu inn í d-bog­ann á fyr­irliðann sem þrusaði bolt­an­um með hægri fæti í vinstra hornið.

Leicester-menn reyndu að minnka mun­inn und­ir lok leiks og fengu þrjár horn­spyrn­ur í röð en ekk­ert gekk. Þetta var átt­undi heima­leik­ur liðsins í röð þar sem þeim hef­ur ekki tek­ist að skora mark.

Al­ej­andro Garnacho að fagna í kvöld. AFP/​Adri­an Denn­is

Bruno Fern­and­es með bolt­ann í leikn­um. AFP/​Adri­an Denn­is

Lýs­ing upp­fær­ist sjálf­krafa

All­ar lýs­ing­ar í beinni

Leicester	0:3	Man. United	Opna lýs­ingu Loka
90. mín. Átta mín­út­um bætt við.
Mörk Rasmus Höjlund (28. mín.) Alejandro Garnacho (67. mín.) Bruno Fernandes (90. mín.) Bilal El Khannouss (33. mín.) Wilfred Ndidi (77. mín.) Spjöld mín. 90 Leik lokið Sannfærandi 3:0-sigur United á Leicester. 90 Leicester fær hornspyrnu +9 90 Leicester fær hornspyrnu +8 90 Leicester fær hornspyrnu +7 90 Jamie Vardy (Leicester) á skot sem er varið +5 Leicester fær aukaspyrnu á hættulegum stað fyrir fyrirgjöf. Boltinn fer út úr teignum en svo aftur inn á Vardy sem er í þröngu færi en Onana ver vel frá honum. 90 Átta mínútum bætt við. 90 MARK! Bruno Fernandes (Man. United) skorar 0:3 - Dalot setti varnarmann Leicester í grasið með einföldum skærum, sendi svo glæsilega fyrirgjöf á fyrirliðann í d-boganum sem sendi boltann með hægri fæti í fyrstu snertingu í vinstra hornið. 86 Zikrzee heldur um bakið eftir vonda lendingu. Hann stökk upp í skallaeinvígi við Faes sem beygði sig undan og Zikrzee fór á flug. 85 Chido Obi (Man. United) kemur inn á 85 Rasmus Höjlund (Man. United) fer af velli 81 Þetta var fyrsta mark Garnacho í 24 leikjum í öllum keppnum. Svo á Amass afmæli en hann er að spila sinn fyrsta leik fyrir aðallið United. Gleðidagur fyrir marga United-menn. 77 Wilfred Ndidi (Leicester) fær gult spjald Fyrir brot á de Ligt. 75 Jamie Vardy (Leicester) á skot sem er varið De Light að bjarga United. Skyndisókn og Vardy með frábæra fyrirgjöf en Hollendingurinn kemst fyrir skot frá Bounanotte. 69 Harry Amass (Man. United) kemur inn á 69 Alejandro Garnacho (Man. United) fer af velli 69 Joshua Zirkzee (Man. United) kemur inn á 69 Christian Eriksen (Man. United) fer af velli 69 Casemiro (Man. United) kemur inn á 69 Manuel Ugarte (Man. United) fer af velli 67 MARK! Alejandro Garnacho (Man. United) skorar 0:2 - United-menn spila boltanum sín á milli í og í kringum vítateig Leicester. Fernandes potar svo boltanum inn í miðjan vítateig á Garnacho sem hamrar honum í netið. Þetta er einnig fyrsta mark hans á árinu en hann skoraði síðast í nóvember. 66 Man. United fær hornspyrnu 65 Fernandes á skot fyrir utan sem fer í varnarmann og út af. 64 Harry Winks (Leicester) kemur inn á 64 Boubakary Soumaré (Leicester) fer af velli 64 Facoundo Buonanotte (Leicester) kemur inn á 64 Patson Daka (Leicester) fer af velli 60 Leicester (Leicester) VAR Leicester-menn fylla teiginn og lúmsk sending niðri fer í gegnum pakkann en Onana var vel á verði. Daka var seinn á boltann og vill meina að Mazraoui hafi togað í sig. Var skoðaið þetta og fannst þetta ekki nóg fyrir vítaspyrnu. 57 Alejandro Garnacho (Man. United) VAR Mark dæmt af. - United-menn þrír á þrjá. Garnacho fær boltann úti, kemur inn, leikur á varnarmann og setur boltann í netið en er rétt fyrir innan og markið stendur ekki. 56 Christian Eriksen (Man. United) á skot sem er varið Niðri, lant fyrir utan. 51 Toby Collyer (Man. United) kemur inn á 51 Ayden Heaven (Man. United) fer af velli Fer af velli í spelku og á börum. Ömurleg leið til að enda fyrsta byrjunarliðsleikinn. 47 Heaven fær aðhlynningu á hliðarlínunni og þetta lítur ekki vel út. Það eru börur á leiðinni. 46 Leicester-menn vinna boltann hátt uppi á vellinum og fara á flugi upp völlinn. Vardy sendir boltann fyrir en Heaven er á undan Daka í boltann en meiðir sig í leiðinni. 46 Seinni hálfleikur hafinn 45 Hálfleikur United 1:0 yfir í hálfleik eftir ágæta frammistöðu. 45 Einni mínútu bætt við. 43 Heaven! Kastar sér fyrir skot frá Daka. Þessi var á leiðinni beint á markið. 42 Bruno Fernandes (Man. United) á skot yfir Boltinn dettur rétt fyrir utan teiginn eftir aukaspyrnuna sem Eriksen tók. Fernandes er þar en skýtur hátt yfir. 40 Heaven að næla sér í aukspyrnu á hættulegum stað fyrir fyrirgjöf. Flott byrjun hjá honum, átti mikilvæga tæklingu áðan og núna þennan ágæta sprett. 38 Leicester fær hornspyrnu 38 Færi hjá Leicester. Fyrirgjöf frá vinstri á fjær þar sem Ugarte og Ndidi eru í kapphlaupi. Ugarte hefur betur og hreinsar í horn. 34 Leicester fær hornspyrnu 33 Bilal El Khannouss (Leicester) fær gult spjald Seinn í tæklingu á Mazraoui á miðjum velli. Óþarfi. 29 Fyrir þetta mark hafði Daninn ekki skorað í 21 leik í röð fyrir United í öllum keppnum. 28 MARK! Rasmus Höjlund (Man. United) skorar 0:1 - Fyrsta mark hans árið 2025!!!! Hann hefur ekki skorað síðan 7. desember en komst núna einn gegn Hermansen eftir sendingu í gegn frá fyrirliðanum. Smá þröngt færi og með varnarmenn rétt á eftir sér en klárar færið með hægri í fjærhornið. 26 Heaven með frábæra tæklingu þegar Leicester-menn voru að sleppa í gegn. 23 Christian Eriksen (Man. United) á skot í stöng Færi! Frábært skot frá Eriksen sem er sentímetrum frá því að fara í samskeytin. Hann tók stutt horn með Bruno og fékk boltann til baka, skotið komst yfir Hermansen en ekki inn. 22 Man. United fær hornspyrnu 22 50/50 bolti og hættuspark dæmt á Lindelöf sem sparkar næstum í andlitið á Daka. Aukaspyrna á miðjum vallarhelming United en Ndidi er rangstæður þegar hann skallar boltann eftir spyrnuna. 19 Alejandro Garnacho (Man. United) á skot sem er varið Laust og frekar auðvelt fyrir Hermansen í markinu. 18 Man. United fær hornspyrnu 17 Langur bolti yfir vörn United og Lindelöf og Onana lenda í vandræðum! Onana þarf að taka boltann með maganum og hreinsa því Lindelöf tók enga ákvörðun með Vardy á hælunum. 13 Sending inn í teig heimamanna og Dalot er á fjær. Hann potar boltanum í miðjan teiginn en þar er enginn United-maður. Eriksen var þarna aðeins lengra út og þetta hefði getað verið hættulegt. 11 Manuel Ugarte (Man. United) á skot yfir Annað skot hans nokkrum metrum fyrir utan teig, þetta fer sömu leið og hitt. 9 Manuel Ugarte (Man. United) á skot yfir Ugarte fer í skot fyrir utan vítateig sem fer yfir. 5 Bæði lið eru með leikmenn sem kasta langt inn í teig. Fáum eitt langt frá heimamönnum en de Ligt skallar frá. 4 Leicester fær hornspyrnu 4 Jamie Vardy (Leicester) á skot sem er varið Sending í gegn á Vardy sem er undir pressu frá Lindelöf og skýtur beint á Onana. 1 Rasmus Höjlund (Man. United) á skot framhjá Langt innkast frá Dalot og Höjlund tekur boltann á lofti og setur hann í átt að markinu en hittir ekki. Hann snýr eiginlega baki í markið og þetta var erfitt en fín byrjun hjá United. 1 Leikur hafinn United byrjar með boltann. 0 United er í 15. sæti með 34 stig og Leicester er í 19. og næstneðsta sæti með 17 stig. 0 Leicester hefur skrifað sig í sögubækurnar með sjö töp í jafn mörgum heimaleikjum í röð með markatöluna 15:0 en ekkert lið hefur tapað sjö heimaleikjum í röð án þess að skora. 0 Ayden Heaven er í fyrsta sinn í byrjunarliði United en hann er aðeins 18 ára gamall. 0 Þetta er í fjórða sinn sem liðin mætast á þessu tímabili en United hefur unnið alla leikina hingað til. 0 Gott kvöld og verið velkomin í beina textalýsingu frá leik Leicester og Manchester United í 29. umferð ensku úrvalsdeildarinnar. Sjá meira Sjá allt Leicester: (4-3-3) Mark: Mads Hermansen. Vörn: James Justin, Wout Faes, Conor Coady, Victor Kristiansen. Miðja: Luke Thomas, Boubakary Soumaré (Harry Winks 64), Wilfred Ndidi. Sókn: Bilal El Khannouss, Jamie Vardy, Patson Daka (Facoundo Buonanotte 64). Varamenn: Jakub Stolarczyk (M), Caleb Okoli, Harry Winks, Stephy Mavididi, Bobby Decordova-Reid, Jordan Ayew, Woyo Coulibaly, Kasey McAteer, Facoundo Buonanotte. Man. United: (3-4-3) Mark: André Onana. Vörn: Matthjis de Ligt, Victor Lindelöf, Ayden Heaven (Toby Collyer 51). Miðja: Noussair Mazraoui, Bruno Fernandes, Manuel Ugarte (Casemiro 69), Diogo Dalot. Sókn: Alejandro Garnacho (Harry Amass 69), Rasmus Höjlund (Chido Obi 85), Christian Eriksen (Joshua Zirkzee 69). Varamenn: Dermot Mee (M), Elyh Harrison (M), Mason Mount, Joshua Zirkzee, Casemiro, Tyler Fredricson, Chido Obi, Toby Collyer, Harry Amass. Skot: Leicester 3 (3) - Man. United 10 (6) Horn: Man. United 3 - Leicester 6. Lýsandi: Ásta Hind Ómarsdóttir Völlur: King Power Stadium Leikur hefst 16. mars 2025 19:00 Aðstæður: Í Leicester er 7 stiga hiti, léttur vindur og skýjað Dómari: Thomas Bramall Aðstoðardómarar: Stuart Burt og Constantine Hatzidakis

• Blogga um frétt