Bjartsýni fyrir bikarúrslitaleik

Hjá Knattspyrnusambandi Íslands eru menn vongóðir um að það náist að ryðja Laugardalsvöll og gera hann leikhæfan fyrir bikarúrslitaleik Fjölnis og KR á morgun.

Vinna menn þar nú baki brotnu að skafa mesta snjóinn af vellinum. Sagði Þórir Hákonarson, framkvæmdastjóri KSÍ, menn þokkalega bjartsýna en í versta falli yrði leiknum frestað til sunnudagsins ef veður versna aftur í kvöld eða nótt.

„Þetta ætti að takast eins og staðan er nú að því gefnu að það snjó ekki meira en orðið er. Þá tökum við stöðuna upp á nýtt en ef til frestunar kæmi yrði það aðeins fram á sunnudag.“

• Blogga um frétt