Breiðablik bikarmeistari í fyrsta skipti eftir vítakeppni

Breiðablik er bikar­meist­ari karla í fyrsta skipti eft­ir sig­ur á Fram í bráðabana eft­ir fram­lengd­an leik og víta­spyrnu­keppni á Laug­ar­dals­velli í dag. Staðan var 1:1 eft­ir venju­leg­an leiktíma, 2:2 eft­ir fram­leng­ingu, 6:6 eft­ir fimm spyrn­ur í víta­spyrnu­keppni, en í bráðaban­an­um réðust úr­slit þegar Paul McS­hane skaut í þverslána á marki Breiðabliks úr sjöttu spyrnu Fram­ara.

Leik­ur­inn var marka­laus í klukku­tíma en þá skoraði Al­freð Finn­boga­son fyr­ir Breiðablik. Ingvar Þór Ólason jafnaði fyr­ir Fram á 73. mín­útu, 1:1, og þannig var staðan eft­ir venju­leg­an leiktíma.

Samu­el Til­len kom Fram í 2:1 úr víta­spyrnu á 8. mín­útu í fram­leng­ingu en aðeins fjór­um mín­út­um síðar fengu Blikar víta­spyrnu og úr henni jafnaði Al­freð Finn­boga­son, 2:2.

Í víta­spyrnu­keppn­inni vörðu markverðirn­ir, Ingvar Þór Kale og Hann­es Þór Hall­dórs­son sína spyrn­una hvor. Paul McS­hane var sjötti í röðinni hjá Fram og þurfti að skora til að fá aðra um­ferð í bráðaban­an­um. Hann skaut í þverslána og niður, fyr­ir utan marklínu, og Blikar fögnuðu sín­um fyrsta stóra titli í sög­unni og sæti í Evr­ópu­deild UEFA á næsta ári.

Lið Fram: Hann­es Þór Hall­dórs­son - Jón Orri Ólafs­son, Auðun Helga­son, Kristján Hauks­son, Samu­el Til­len - Heiðar Geir Júlí­us­son, Ingvar Þór Ólason, Hall­dór Her­mann Jóns­son, Jón Guðni Fjólu­son - Almarr Ormars­son, Hjálm­ar Þór­ar­ins­son.
Vara­menn: Paul McS­hane, Hlyn­ur Atli Magnús­son, Guðmund­ur Magnús­son, Ívar Björns­son, Daði Guðmunds­son, Joe Til­len, Ögmund­ur Krist­ins­son.

Lið Breiðabliks: Ingvar Þór Kale - Árni K. Gunn­ars­son, Elf­ar Freyr Helga­son, Kári Ársæls­son, Krist­inn Jóns­son - Arn­ar Grét­ars­son, Finn­ur Orri Mar­geirs­son, Guðmund­ur Kristjáns­son - Guðmund­ur Pét­urs­son, Al­freð Finn­boga­son, Krist­inn Stein­dórs­son.
Vara­menn: Hauk­ur Bald­vins­son, Ol­geir Sig­ur­geirs­son, Guðmann Þóris­son, Arn­ór S. Aðal­steins­son, Sig­mar Ingi Sig­urðar­son, Reyn­ir Magnús­son, Andri Rafn Yeom­an.

Hall­dór Her­mann Jóns­son, Hjálm­ar Þór­ar­ins­son og Finn­ur Orri Mar­geirs­son í bar­áttu á miðjunni. mbl.is/​Golli

Fram	6:7	Breiðablik	Opna lýs­ingu Loka
121. mín. Áhorf­end­ur í dag eru 4.766, bara nokkuð gott í októ­bersval­an­um og haust­sól­inni.
Ingvar Þór Ólason (73. mín.) Samuel Lee Tillen (98. mín.) Samuel Lee Tillen (121. mín.) Guðmundur Magnússon (121. mín.) Ingvar Þór Ólason (121. mín.) Joseph Tillen (121. mín.) Mörk Alfreð Finnbogason (60. mín.) Alfreð Finnbogason (102. mín.) Alfreð Finnbogason (121. mín.) Guðmundur Pétursson (121. mín.) Olgeir Sigurgeirsson (121. mín.) Kári Ársælsson (121. mín.) Elfar Freyr Helgason (121. mín.) Jón Guðni Fjóluson (61. mín.) Auðun Helgason (101. mín.) Kristján Hauksson (110. mín.) Spjöld Árni Kristinn Gunnarsson (22. mín.) Ingvar Þór Kale (97. mín.) Olgeir Sigurgeirsson (107. mín.) Guðmundur Pétursson (109. mín.) mín. 121 Paul McShane (Fram) skorar ekki úr víti sláin niður og Blikar eru bikarmeistarar 2009. Í fyrsta skipti í sögunni!!! 121 MARK! Elfar Freyr Helgason (Breiðablik) skorar úr víti 6:7 121 MARK! Joseph Tillen (Fram) skorar úr víti 6:6 og bráðabani!! 121 MARK! Kári Ársælsson (Breiðablik) skorar úr víti 5:6 121 MARK! Ingvar Þór Ólason (Fram) skorar úr víti 5:5 121 MARK! Olgeir Sigurgeirsson (Breiðablik) skorar úr víti 4:5 121 MARK! Guðmundur Magnússon (Fram) skorar úr víti 4:4 121 Arnór S. Aðalsteinsson (Breiðablik) skorar ekki úr víti Hannes varði! 121 Hjálmar Þórarinsson (Fram) skorar ekki úr víti Ingvar varði!! 121 MARK! Guðmundur Pétursson (Breiðablik) skorar úr víti 3:4 121 MARK! Samuel Lee Tillen (Fram) skorar úr víti 3:3 121 MARK! Alfreð Finnbogason (Breiðablik) skorar úr víti 2:3 121 Þetta er í fjórða sinn sem útkljá þarf bikarúrslitaleik karla með vítakeppni. Valur vann KR 1990, Keflavík vann FH 1997 og Fylkir vann KA 2001. 121 Áhorfendur í dag eru 4.766, bara nokkuð gott í októbersvalanum og haustsólinni. 120 Leik lokið Og þetta endar 2:2. Þar með er ekkert annað eftir en að útkljá bikarinn og Evrópusætið þetta árið með vítaspyrnukeppni. 120 Guðmundur Magnússon (Fram) á skot framhjá Dauðafæri við stöngina fjær eftir sendingu Joe Tillens frá vinstri en Guðmundur hitti ekki markið af eins meters færi, reyndar erfiðu. 119 Kári Ársælsson (Breiðablik) á skalla sem er varinn skalli eftir aukaspyrnu Finns Orra frá miðju en Hannes greip boltann örugglega uppi við þverslána. 116 Fram fær hornspyrnu 115 Alfreð Finnbogason (Breiðablik) á skot sem er varið Ágæt aukaspyrna Alfreðs af 20 m færi en Hannes kastaði sér og sló boltann út til vinstri. 114 Báðir miðjumenn Fram, Ingvar og Halldór Hermann, eru orðnir ansi þreyttir og skiptingarnar búnar. Menn eru farnir að teygja hér og þar á vellinum! 112 Guðmundur Pétursson þarf aftur að skipta um treyju! Hann lá eftir brot Kristjáns og hefur greinilega blætt á ný. 110 Kristján Hauksson (Fram) fær gult spjald Braut á Guðmundi Péturssyni á miðjum vallarhelmingi Blika. 109 Guðmundur Pétursson (Breiðablik) fær gult spjald uppsafnað, segir Jóhannes dómari eftir brot Guðmundar á Halldóri Hermanni. 107 Samuel Lee Tillen (Fram) á skot framhjá hættuleg aukaspyrna Samúels en boltinn sleikti þverslána og þaknetið. 107 Olgeir Sigurgeirsson (Breiðablik) fær gult spjald Braut á Paul McShane sem var að stinga sér í gegnum vörnina, rétt fyrir utan vítateiginn. Aukaspyrna 20 m frá marki. 106 Leikur hafinn Nú leika Framarar í átt að Laugardalshöll. 106 Guðmundur Magnússon (Fram) kemur inn á 106 Almarr Ormarsson (Fram) fer af velli 106 Olgeir Sigurgeirsson (Breiðablik) kemur inn á 106 Guðmundur Kristjánsson (Breiðablik) fer af velli 105 Hálfleikur 105 Almarr Ormarsson haltrar af velli og þarf aðhlynningu. Framarar manni færri í augnablikinu. 105 Breiðablik fær hornspyrnu 103 Þetta er heldur betur orðið fjörugt hérna í Laugardalnum. Framarar virtust komnir með leikinn í hendurnar eftir að þeir komust yfir en Blikar voru eldsnöggir að kvitta fyrir. Það liggja fleiri mörk í loftinu!! 102 MARK! Alfreð Finnbogason (Breiðablik) skorar úr víti 2:2 - yfirvegaður og sendi boltann bara í mitt markið, Hannes fór niður í hornið! 101 Auðun Helgason (Fram) fær gult spjald fyrir að brjóta á Alfreð. 101 Breiðablik fær víti Auðun Helgason braut á Alfreð Finnbogasyni á markteignum. 99 Arnór S. Aðalsteinsson (Breiðablik) kemur inn á 99 Andri Rafn Yeoman (Breiðablik) kemur inn á 99 Kristinn Jónsson (Breiðablik) fer af velli 99 Arnar Grétarsson (Breiðablik) fer af velli Er þetta kveðjuleikurinn? 98 MARK! Samuel Lee Tillen (Fram) skorar úr víti 2:1 - Englendingurinn þrumaði boltanum uppundir þverslána. 97 Ingvar Þór Kale (Breiðablik) fær gult spjald fyrir mótmæli 97 Fram fær víti Sam Tillen lék framhjá Árna Kristni í vítateignum og Blikinn felldi hann. Vítaspyrna! 95 Almarr Ormarsson (Fram) á skot framhjá Fín tilþrif Almarss sem fékk langa sendingu frá Joe Tillen yfir á hægri kantinn, lék laglega á Kára Ársælsson og skaut rétt yfir mark Blika frá vítateig. 93 Breiðablik fær hornspyrnu Kári Ársælsson tók óvæntan sprett með boltann inn í vítateiginn og Framarar björguðu naumlega í horn. 91 Leikur hafinn Blikar leika í átt að Laugardalshöll. 90 Leik lokið Framlenging. Nú verður leikið í 2x15 mínútur og ef það dugar ekki til að knýja fram úrslit verður gripið til vítaspyrnukeppni. 90 Breiðablik fær hornspyrnu +2 Uppbótartíminn er að renna út, tveimur mínútum var bætt við. Hannes markvörður gómaði boltann eftir hornið. 89 Þegar talað er um reynsluboltana í liðunum má ekki gleyma Auðuni Helgasyni, hinum 35 ára gamla fyrirliða Framara, sem hefur staðið vaktina í vörninni eins og honum einum er lagið. Mikill leiðtogi í liði Fram. 88 Líkurnar á framlengingu aukast með hverri sekúndu. Allt stefnir í þriðja jafntefli liðanna í sumar. 86 Alfreð Finnbogason fékk hættulega sendingu inní vítateiginn frá Árna Kristni en Ingvar Ólason, besti maður Fram, var mættur á réttan stað, "steig" Alfreð út þannig að hann náði ekki skoti. 85 Rúmar fimm mínútur eftir af venjulegum leiktíma og nú eru það Framarar sem hafa virst líklegri undanfarnar mínútur. 84 Halldór Hermann Jónsson (Fram) á skot sem er varið Norðfirðingurinn í liði Fram var kominn inní vítateiginn en skaut í varnarmann í ágætu færi. 82 Almarr Ormarsson (Fram) á skalla sem fer framhjá skalli úr miðjum vítateig en yfir eftir fyrirgjöf frá hinum líflega Joe Tillen sem hefur komið sterkur inn hjá Frömurum á vinstri kantinum. 79 Breiðablik fær hornspyrnu eftir snögga sókn þar sem Guðmundur Pétursson gerði harða hríð að Kristjáni Haukssyni. 77 Ingvar Þór Ólason (Fram) á skot framhjá Ingvar er orðinn sjóðheitur í sókninni líka eftir að hann skoraði. Nú fékk hann boltann frá Sam Tillen og þrumaði rétt yfir Blikamarkið af 20 m færi. 75 Nú hafa Framararnir í stúkunni heldur betur tekið við sér eftir að Blikarnir höfðu "átt" hana frá því þeir náðu forystunni. 73 MARK! Ingvar Þór Ólason (Fram) skorar 1:1 - Paul McShane tók hornspyrnu frá vinstri og á markteigshorninu nær skaust Ingvar fram og sneiddi boltann glæsilega með höfðinu, beint í markhornið fjær!! 72 Fram fær hornspyrnu eftir vænlega sókn upp vinstri kantinn. 71 Fram fær hornspyrnu Þeir bláklæddu eru að færa sig uppá skaftið. 69 Tvöföld skipting hjá Þorvaldi og nú eiga Bretarnir Paul McShane og Joe Tillen að hleypa nýju lífi í leik Framara. 69 Jón Guðni Fjóluson (Fram) fer af velli 69 Heiðar Geir Júlíusson (Fram) fer af velli 69 Paul McShane (Fram) kemur inn á 69 Joseph Tillen (Fram) kemur inn á 66 Nú hlýtur Þorvaldur Örlygsson þjálfari Fram að vera farinn að huga að breytingum. Framarar eiga í vök að verjast, og 0:1 undir. 63 Fram fær hornspyrnu Heiðar Geir brunaði upp hægri kantinn og gerði vel að fá hornspyrnu þegar búið var að loka hann af. 61 Jón Guðni Fjóluson (Fram) fær gult spjald fyrir brot á miðjum velli. 60 MARK! Alfreð Finnbogason (Breiðablik) skorar 0:1 - Árni Kristinn Gunnarsson sendi fyrir markið frá hægri, inní markteiginn. Guðmundur Pétursson hitti ekki boltann sem rann áfram og Alfreð sendi hann í tómt markið. Nú er fjör hjá þeim grænklæddu í stúkunni! 59 Blikar eru að ná tökum á ný og sækja af krafti þessa stundina. En þennan leik vantar sárlega mark. 58 Fram fær hornspyrnu Annað horn frá hægri eftir full lága spyrnu frá Sam Tillen. 57 Fram fær hornspyrnu Kristinn Jónsson bjargaði í horn eftir þunga pressu Framara. 50 Heiðar Geir Júlíusson (Fram) á skot sem er varið Þrumuskot Heiðars Geirs frá vítateigs sem Ingvar ver naumlega en haldur ekki boltanum. Ingvar fær boltann fyrir opnu marki í markteignum, reyndar í þröngu færi, en tekur þann kost að skjóta ekki heldur renna boltanum inní markteiginn þar sem varnarmaður Blikar er fyrstur í tuðruna og kemur henni frá!! Dauða, dauðafæri. 50 Fram fær hornspyrnu Framarar hafa byrjað seinni hálfleik heldur framar á vellinum. 46 Guðmundur Pétursson sóknarmaður Blika mætir til seinni hálfleiks í númerslausri treyju. Hann hefur væntanlega fengið blóð í treyjuna númer 24 en Guðmundur fékk tvö væn högg í fyrri hálfleiknum. 46 Leikur hafinn Framarar leika í átt að Laugardalshöllinni, á móti sólinni. 45 Liðin virðast koma óbreytt til síðari hálfleiks. Það hefði þó kannski mátt búast við skiptingu í Blikavörninni sem var óörugg á köflum í fyrri hálfleiknum. 45 Hálfleikur Staðan er 0:0 í hálfleik eftir að Blikar hafa ráðið ferðinni lengst af. Þeir hafa þó ekki komist mikið áleiðis gegn þéttri vörn Framara, sem síðan hafa átt hættulegar sóknir og fengið dauðafæri. Framarar hafa átt fleiri markskot en Blikar í hálfleiknum þó þeir hafi legið til baka mestallan tímann. 45 Ingvar Þór Ólason (Fram) á skalla sem fer framhjá Ingvar skallaði framhjá eftir hornspyrnu Almarrs frá vinstri. Það er einni mínútu bætt við leiktímann. 45 Fram fær hornspyrnu 44 Hjálmar Þórarinsson (Fram) á skot sem er varið Glæsilegir tilburðir Ingvars í marki Blika sem sló boltann naumlega yfir eftir skot Hjálmars frá vítateig. 40 Guðmundur Kristjánsson (Breiðablik) á skot framhjá Ein besta tilraunin til þessa. Guðmundur fékk pláss til að negla með hægri af 25 m færi en ákvað að plata mótherja, fara nær og skjóta með vinstri, af 20 m færi. Rétt yfir þverslána hjá þessum skotfasta miðjumanni sem á ættir að rekja til Bolungarvíkur. 38 Alfreð Finnbogason (Breiðablik) á skot framhjá Aðal markaskorari Blika lætur að sér kveða og reynir skot af 20 m færi en vel yfir Frammarkið. 37 Leikurinn hefur þróast eins og búast mátti við. Blikar eru mikið meira með boltann og setja á köflum þunga pressu á Framarana. Þeir verjast hinsvegar vel við eigin vítateig, gefa fá færi á sér og eru hættulegir í sínum sóknarlotum. Mikil refskák í gangi. 31 Almarr Ormarsson (Fram) á skalla sem er varinn skallaði beint á Ingvar í Blikamarkinu. 29 Kári Ársælsson er ekki alveg búinn að hrista úr sér hrollinn. Nú átti hann slaka sendingu til baka á Ingvar markvörð sem bjargaði með snarræði áður en Hjálmari Þórarinssyni tókst að gera sér mat úr því. 28 Talandi um 37 ára gamla menn, þá er Ingvar Þór Ólason, jafnaldri Arnars Grétarssonar, á fleygiferð á miðjunni hjá Fram. 27 Breiðablik fær hornspyrnu Þung sókn Blika þessa mínútuna og þeir fá hornspyrnu frá vinstri. 26 Kristinn Jónsson var skyndilega kominn í dauðafæri inná markteig Fram eftir sendingu Árna Kristins í gegnum vörnina. Hann náði ekki nógu góðri snertingu á boltann sem hrökk í fang Hannesar í markinu. En galopið færi sem bakvörðurinn fékk þarna. Hvað var bakvörðurinn eiginlega að gera í vítateignum, eins og sagt var við Bjarna Fel í gamla daga?? 25 Almarr Ormarsson (Fram) á skot framhjá Fín tilraun Almarrs frá vinstra vítateigshorni, eftir góða sókn Framara, en boltinn fór skammt framhjá markvinklinum hægra megin. 22 Árni Kristinn Gunnarsson (Breiðablik) fær gult spjald Árni var of seinn í tæklingu og braut hressilega á Sam Tillen. Gult spjald verðskuldað. 19 Breiðablik fær hornspyrnu Auðun Helgason bjargaði naumlega í horn þegar Guðmundur Pétursson sótti hart að honum í vítateignum. 18 Fram fær hornspyrnu Önnur hornspyrna, Kári Ársælsson náði að skalla í horn eftir þá fyrri frá Almarri Ormarssyni. 17 Fram fær hornspyrnu Hjálmar var klókur úti við hornfána og hélt boltanum þar til hann veiddi hornspyrnu. 16 Arnar Grétarsson, hinn 37 ára gamli leiðtogi Blikaliðsins og aðstoðarþjálfari, er smám saman að komast inní leikinn eftir rólega byrjun. Skyldi þetta vera kveðjuleikurinn hjá þessum snjalla miðjumanni? Vonandi ekki, hann á nóg eftir. 15 Fín fyrirgjöf Sams Tillens frá vinstri, fyrir mark Blika, en Ingvar Þór Kale kemur mjög öruggur útúr markinu og gómar boltann við vítapunktinn. 13 Kristinn Jónsson (Breiðablik) á skot sem er varið Kristinn skaut úr aukaspyrnunni í varnarvegginn og boltinn sveif í boga innað markinu þar sem Hannes markvörður gómaði hann örugglega. 12 Aukaspyrna á Framara á hættulegum stað, 20 m frá marki. Guðmundur Pétursson liggur eftir að hafa fengið tær Kristjáns Haukssonar í andlitið. Óviljaverk en greinilega nokkuð högg. 11 Heiðar Geir Júlíusson (Fram) á skot framhjá Dauðafæri Heiðars Geirs sem hirti boltann af Kára Ársælssyni á vítateigslínunni hægra megin, brunaði inní teiginn en þrumaði í hliðarnetið nær. Galopið tækifæri og önnur alvarleg mistök Kára á fyrstu 10 mínútunum. 8 Breiðablik fær hornspyrnu sem ekkert kemur útúr, há sending sem enginn nær til. 7 Guðmundur Pétursson (Breiðablik) á skot sem er varið Skot af 25 m færi í varnarmann og rétt framhjá. 6 Hjálmar Þórarinsson (Fram) á skot sem er varið Fyrsta góða færið. Hjálmar nýtti sér misskiling miðvarða Blika, hirti af þeim boltann og var kominn í færi í vítateignum en hitti boltann illa og hann fór beint á Ingvar sem var kominn vel út á móti honum. 6 Alfreð Finnbogason (Breiðablik) á skot framhjá Reyndi að snúa sér í vítateignum og skjóta en boltinn fór nokkuð framhjá vinstra megin. Blikar hafa náð að setja nokkra pressu á Framara. 3 Leikurinn fer rólega af stað, barningur á miðsvæðinu og hvorugt lið nær að halda boltanum að ráði á upphafsmínútunum. Eðlilegt stress. 1 Leikur hafinn Blikar byrja með boltann og leika í átt að Laugardalshöllinni. Þeir leika gegn sólinni í fyrri hálfleik. 0 13.59 - Jóhannes Valgeirsson dómari og Ólafur Ingvar Guðfinnsson aðstoðardómari eru nýkomnir úr öðrum stórleik. Þeir voru meðal sex íslenskra dómara sem sáu um leik Anderlecht og Ajax í Brussel í Evrópudeild UEFA í fyrrakvöld. 0 13.56 - Jóhanna Sigurðardóttir forsætisráðherra heilsar nú uppá leikmenn liðanna ásamt forstjóra VISA og fulltrúum félaganna tveggja. 0 13.54 - Lið Fram og Breiðabliks ganga nú inná völlinn undir dynjandi lófaklappi stuðningsmanna sinna. Framarar eru í sínum bláu búningum en Blikar eru hvítklæddir. Blátt gegn grænu gengur víst ekki í sjónvarpi, hvernig sem á því stendur. Eru ekki allir komnir með lit? 0 13.52 - Í tilefni af 50. úrslitaleik keppninnar í dag eru nú 49 krakkar inni á Laugardalsvellinum, eitt í búningi hvers félags sem hefur unnið keppnina. Það eru því 11 KR-ingar inná, 9 Skagamenn, 9 Valsmenn, 7 Framarar, 4 Keflvíkingar, 4 Eyjamenn, 2 Fylkismenn, einn Akureyringur, einn FH-ingur og einn Víkingur. 0 13.48 - Framarar hafa orðið að gera breytingu á liði sínu á síðustu stundu. Daði Guðmundsson, hægri bakvörður Safamýrarliðsins, meiddist í upphituninni og getur ekki spilað. Jón Orri Ólafsson kemur í hans stað. Daði lék ekki síðustu tvo leik Framara í úrvalsdeildinni og hefur því greinilega verið tæpur fyrir leikinn. 0 13.38 - Almarr Ormarsson er í fremstu víglínu hjá Fram í dag. Fyrir 22 árum var Ormarr Örlygsson, faðir hans, í liði Fram sem sigraði Víði úr Garði, 5:0, í úrslitaleik bikarkeppninnar hér á Laugardalsvellinum. Ormarr innsiglaði sigurinn með því að skora fimmta mark Fram. 0 13.25 - Það hefur verið talsvert rætt um hvort rétt sé að spila bikarúrslitaleikina í byrjun október þegar allra veðra er von. Margir vilja færa þá aftur á gamla tímann og spila í lok ágúst. Lesendur mbl.is eru hvattir til að segja sína skoðun á þessu máli með því að blogga við þessa frétt. En í dag skín sólin og það ekkert að því að spila fótbolta eða horfa á hann í svona frábæru veðri. 0 13.22 - Ólafur H. Kristjánsson þjálfari Breiðabliks er með nokkurn veginn með það lið sem lauk Íslandsmótinu. Arnór Sveinn Aðalsteinsson, Olgeir Sigurgeirsson og Guðmann Þórisson eru allir á bekknum í dag og Ólafur er því ekki síður með fína breidd í sínum hópi en kollegi hans Þorvaldur. 0 13.20 - Byrjunarlið Fram er breytt frá síðustu leikjum í deildinni, enda voru þá margir hvíldir vegna meiðsla og hættu á leikbanni. Framarar eru með sitt sterkasta lið og þeir Paul McShane og Joe Tillen mega gera sér að góðu að sitja á bekknum í dag. Eflaust eiga þeir þó eftir að koma við sögu. Á bekknum er líka framherjinn Ívar Björnsson svo Þorvaldur Örlygsson getur kallað til reynda leikmenn þegar með þarf. 0 13:17 - Framarar voru öllu fljótari inná völlinn í dag. Þeir voru byrjaðir að hita upp klukkan 13.05. Blikarnir hafa hinsvegar smám saman verið að tínast inná völlinn þessar mínúturnar. Liðin hita upp undir líflegri tónlist að vanda. 0 13:15 - Velkomin á Laugardalsvöll með mbl.is sem mun lýsa því í smáatriðum sem gerist í úrslitaleiknum í dag. Hér er frábært haustveður, glampandi sól og fánarnir blakta létt í hægri golu. En það er bara 4 stiga hiti, samkvæmt hitamælinum við Suðurlandsbrautina, og þeir sem eru á leið á völlinn eru hvattir til að klæða sig vel. Sérstaklega þeir sem ætla að sitja í aðalstúkunni en sólin nær ekki að ráði þangað inn. 0 Almarr Ormarsson hefur skorað tvö mörk fyrir Fram í bikarkeppninni í ár og þeir Hjálmar Þórarinsson, Samuel Tillen, Jón Guðni Fjóluson og Joe Tillen eru með sitt markið hver. 0 Miðvörðurinn Elfar Freyr Helgason er markahæsti leikmaður Breiðabliks í bikarkeppninni með 3 mörk. Arnór Sveinn Aðalsteinsson og Guðmundur Pétursson eru með 2 mörk hvor og þeir Guðmann Þórisson og Kristinn Jónsson með eitt mark hvor. 0 Blikar unnu 2. deildarliðið Hvöt á Blönduósi, 2:0, í 32ja liða úrslitum. Þeir lögðu 2. deildarliðið Hött frá Egilsstöðum, 3:1, í framlengdum leik á Kópavogsvelli í 16 liða úrslitum og í 8-liða úrslitum sigruðu þeir 1. deildarlið HK í grannaslag á Kópavogsvelli, 1:0. Breiðablik vann síðan Keflavík, 3:2, í undanúrslitum á Laugardalsvelli. 0 Fram hefur leikið alla leiki sína í bikarkeppninni í ár á Laugardalsvellinum. Framarar sigruðu 2. deildarlið Njarðvíkur, 2:1, í 32ja liða úrslitum, þeir unnu Grindavík 1:0 í 16 liða úrslitum, Fylki 2:0 í 8 liða úrslitum og loks KR í undanúrslitum. 0 Breiðablik hefur aldrei orðið bikarmeistari og aðeins einu sinni leikið til úrslita. Það var árið 1971 og þá tapaði liðið 0:1 fyrir Víkingi. Frá þeim tíma tapaði Breiðablik átta sinnum í undanúrslitum keppninnar en en komst loks yfir þann hjalla og sigraði Keflavík, 3:2, í undanúrslitum í síðasta mánuði. 0 Fram hefur sjö sinnum orðið bikarmeistari, árin 1970, 1973, 1979, 1980, 1985, 1987 og 1989. Auk þess lék Fram til úrslita í keppninni 1960, 1962, 1977, 1981, 1984, 1986, 1995, 2002 og 2005. Sjá meira Sjá allt Fram: (M), . Varamenn: (M), . Breiðablik: (M), . Varamenn: (M), . Skot: Breiðablik 14 (11) - Fram 19 (11) Horn: Fram 10 - Breiðablik 7. Lýsandi: Völlur: Laugardalsvöllur Leikur hefst 3. okt. 2009 14:00 Aðstæður: Sól, létt gola, 4 stiga hiti. Völlurinn lítur glæsilega út. Dómari: Jóhannes Valgeirsson Aðstoðardómarar: Ólafur Ingvar Guðfinnsson og Jóhann Gunnar Guðmundsson

• 3 blogg um frétt­ina

Bloggað um frétt­ina

• Helga Kristjáns­dótt­ir: BREIÐABLIK
• Þor­steinn H. Gunn­ars­son: Vor­menn Íslands
• Ómar Ragn­ars­son: Til ham­ingju með Fram­ara­kveðju.