Natasha Anasi-Erlingsson, landsliðskona í knattspyrnu, sneri aftur í lið Brann eftir mánaðar fjarveru vegna meiðsla þegar hún lék allan leikinn í öruggum sigri á Åsane, 4:0, í 16-liða úrslitum norsku bikarkeppninnar í kvöld.
Brann er þar með búið að tryggja sér sæti í átta liða úrslitum bikarkeppninnar.
Natasha lék síðast í 6:2-sigri Brann á Kolbotn í norsku úrvalsdeildinni þann 20. maí síðastliðinn og komst vel frá sínu í hjarta varnarinnar í kvöld.