Öskrandi í klefanum með Metallica í eyrunum
Setja bókamerki
„Árið 2009 var frábært ár í Árbænum,“ sagði knattspyrnumaðurinn fyrrverandi, Ásgeir Börkur Ásgeirsson, í Dagmálum.
Ásgeir Börkur, sem er 37 ára gamall, lagði skóna á hilluna eftir síðasta keppnistímabil en hann er hvað þekktastur fyrir tíma sinn með uppeldisfélagi sínu Fylki og var á meðal litríkustu karakteranna í íslenska boltanum lengi vel.
Stemningsmenn í klefanum
Ásgeir Börkur stimplaði sig rækilega inn í Fylkisliðið sumarið 2009 þegar Ólafur Þórðarson stýrði liðinu en Fylkismenn enduðu í 3. sæti deildarinnar.
„Það var ótrúlega mikið af stemningsmönnum í klefanum,“ sagði Ásgeir Börkur.
„Við fengum einhvern markmann þarna á miðju tímabili, Ólafur Þór Gunnarsson hét hann, og hann var búsettur í Bandaríkjunum á þessum tíma. Óli Þórðar plataði hann heim til þess að koma að spila með Fylki.
Hann stóð inn í klefa fyrir leik, með Metallica í eyrunum, bombandi bolta í vegginn og svo öskraði hann eins hátt og hann gat inn á milli. Ég held að hans karakter og orkustig hafi orðið til þess að við áttum frábært tímabil,“ sagði Ásgeir Börkur meðal annars.
Skjálftahrina sem mun fjara út
Rannsókn vinnuslyssins á borði vinnueftirlitsins
Nýju stofnanirnar verða á landsbyggðinni
Tappar verða framvegis fastir á öllum fernum
„Ekkert fullorðið fólk myndi sætta sig við þetta“
Hringja í gamla „bólfélaga“ og opna Kiki á ný