Dagur Dan Þórhallsson lagði upp mark í 5:0 sigri Orlando City gegn DC United í bandarísku MLS-deildinni í fótbolta í nótt.
Orlando er nú í sjöunda sæti í deildinni með 27 stig eftir 22 leiki. DC United er á botninum með 20 stig eftir 23 leiki.
Dagur var í byrjunarliði Orlando og lagði upp fyrsta mark liðsins sem kom eftir 19 mínútur. Það skoraði Martin Ojeda eftir frábæran sprett frá Degi sem lék á Christopher McVey, varnarmann liðsins og markmanninn Tyler Milller áður en hann sendi boltann á Ojeda.
Martin Ojeda with a beautiful first time finish! 🔥@OrlandoCitySC take the lead!
— Major League Soccer (@MLS) July 7, 2024
📺 #MLSSeasonPass: https://t.co/CbsssfGwMR pic.twitter.com/bIEh1zT5MX
Robin Jansson, Ivan Angulo, Facundo Torres og Ramiro Enrique skoruðu svo hin mörk Orlando í leiknum.