Landsliðsmaðurinn Hákon Arnar Haraldsson og liðsfélagar hans í Lille fengu verðugt verkefni í Meistaradeildinni í fótbolta.
Lille mun mæta átta liðum í deildarkeppni Meistaradeildarinnar en liðið var í potti þrjú.
Lille mun heimsækja Liverpool og fá Real Madríd, sem er ríkjandi Evrópumeistari, í heimsókn.
Lille fær einnig stórliðið Juventus í heimsókn og mun þurfa að heimsækja sterkt lið Atlético Madríd.
Þá mun Lille liðið einnig fá Feyenoord frá Hollandi og Sturm Graz frá Austurríki í heimsókn. Loks heimsækir Lille Sporting frá Portúgal og Bologna frá Ítalíu.