Íþróttir | Fótbolti | mbl | 10.9.2024 | 17:51

Danir kjöldrógu Tékka í riðli Íslands

Róbert Orri Þorkelsson og Mathias Kvistgaarden, sem skoraði eitt mark …
Róbert Orri Þorkelsson og Mathias Kvistgaarden, sem skoraði eitt mark í dag, eigast við í leik Íslands og Danmerkur á föstudag. Eyþór Árnason

U21-árs lið Danmerkur vann öruggan heimasigur á Tékklandi, 5:0, þegar liðin áttust við í I-riðli undankeppni EM 2025, riðli Íslands, í dag.

Danir halda þar með toppsætinu í riðlinum en eru nú með 14 stig, þremur stigum meira en Wales í öðru sæti og fimm stigum meira en Ísland í því þriðja. Tékkland er áfram í fjórða sæti með átta stig.

Annað tap gegn Wales
Frétt af mbl.is

Annað tap gegn Wales

Ísland og Wales eigast nú við á Víkingsvelli þar sem staðan er 0:1, Wales í vil.

William Böving kom Dönum í forystu eftir tæplega hálftíma leik og Mika Biereth tvöfaldaði forystuna í upphafi síðari hálfleiks.

Stuttu síðar, á 54. mínútu, bætti Oliver Sörensen við þriðja markinu með marki úr vítaspyrnu.

Eftir rúmlega klukkutíma leik kom svo fjórða markið. Það skoraði Thomas Kristensen.

Þremur mínútum fyrir leikslok skoraði Mathias Kvistgaarden svo fimmta markið og fimm marka sigur því niðurstaðan.

mbl.is
Fleira áhugavert
Gera ráð fyrir hallinn verði 41 milljarður „Það er ekki skynsamlegt að fara í niðurskurð“ 80 milljarða aðgerðapakki fyrir Grindavík Upptaka: Sigurður Ingi kynnir fjárlögin
Fleira áhugavert
„Ánægður með að mér skuli vera sýnt þetta traust“ „Það er ekki skynsamlegt að fara í niðurskurð“ Sjáum til lands í baráttunni við verðbólguna Stefndi skólanum vegna vinnuumhverfis