Frakklandsmeistarar París SG eru með fullt hús stiga eftir fjóra leiki í frönsku 1. deildinni í fótbolta. Liðið vann heimasigur á Brest, 3:1, í kvöld.
Romain Del Castillo kom Brest óvænt yfir á 29. mínútu en Ousmane Dembélé jafnaði á 42. mínútu og var staðan í hálfleik 1:1.
Fabián Ruiz kom Parísarliðinu yfir á 73. mínútu og aðeins mínútu síðar gerði Dembélé sitt annað mark og þriðja mark heimamanna.
Önnur úrslit:
Marseille 2:0 Nice
Auxerre 0:3 Mónakó