„Óþolandi“ mamma klúðraði málum

Adrien Rabiot gekk til liðs við Marseille í gær en umboðsmaður leikmannsins er móðir hans, Veronique. Annar umboðsmaður segir að móðir Rabiot sé vanhæf í starfi og það sé henni að kenna leikmaðurinn hafi ekki farið til topp liðs í Evrópu.

Bruno Satin er reynslumikill umboðsmaður og hann segir að Rabiot væri í einu af tíu bestu liðum Evrópu ef hann væri með faglegan umboðsmann.

Frétt af mbl.is

De Zerbi krækir í stórt nafn

„Ég ræddi við yfirmann knattspyrnumála hjá Atletico Madrid sem sagði mér að hann hefði slitið viðræðum við leikmanninn þegar móðir hans reyndi að segja honum hvaða stöðu á vellinum sonur hennar ætti að spila. Fagfólk nennir ekki að tala við hana, hún er óþolandi“, sagði Satin í frönsku sjónvarpi.

„Hann væri í einu af tíu bestu liðum álfunnar ef hann væri með umboðsmann, hann fór á frjálsri sölu. Það þarf að undirbúa þessa hluti í maí, ekki í lok júlí“, bætti Satin við en Rabiot yfirgaf Juventus á frjálsri sölu þegar samingur hans við ítalska stórliðið rann út.

• Blogga um frétt