Barcelona skoraði fimm og City fjögur
Setja bókamerki
Spænska stórliðið Barcelona vann sinn fyrsta sigur í deildarkeppni Meistaradeildar Evrópu í fótbolta í kvöld er liðið fór illa með Young Boys frá Sviss á heimavelli, 5:0.
Robert Lewandowski skoraði tvö mörk fyrir Barcelona og þeir Raphinha og Inigo Martínez komust einnig á blað. Fimmta og síðasta markið var sjálfsmark.
Englandsmeistarar Manchester City unnu einnig sinn fyrsta leik er liðið heimsótti Slovan Bratislava til slóvakísku höfuðborgarinnar. Urðu lokatölur 4:0.
Ilkay Gündogan og Phil Foden komu City í 2:0 í fyrri hálfleik og þeir Erling Haaland og James McAtee bættu við í seinni hálfleik.
Þýska liðið Dortmund gerði sér lítið fyrir og gjörsigraði Celtic frá Skotlandi, 7:1, á heimavelli. Karim Adeyemi skoraði þrennu fyrir Dortmund og Serhou Guirassy gerði tvö. Emre Can og Felix Mnecha komust einnig á blað. Daizen Maeda skoraði mark Celtic.
Ítalska liðið Inter vann sannfærandi sigur á Rauðu stjörnunni frá Serbíu á heimavelli. Hakan Calhanoglu, Marco Arnautovic, Lautaro Martínez og Mehdi Taremi gerðu mörkin.
Þýskalandsmeistarar Leverkusen sigruðu AC Milan á heimavelli, 1:0. Victor Boniface skoraði sigurmarkið á 51. mínútu.
Loks skildu PSV frá Hollandi og Sporting frá Portúgal jöfn, 1:1.
„Verið að gera stöðuna enn verri“
Hvassahraunsflugvöllur áfram til skoðunar
Ávísaði óhóflegu magni lyfja í áratug á látna konu
Upplifðu óreiðukennt skipulag
Svandís: Kom þægilega á óvart
„Ekki gengið eins greiðlega og ég hefði viljað sjá“
Karlremba og reykingar í þyrlu Gæslunnar
Öllum flugmönnum Mýflugs sagt upp