Landsliðskonan gefur skít í yfirmanninn

Guðrún Arnardóttir og samherjar hennar hjá sænska knattspyrnuliðinu Rosengård eru ekki sáttar við Roger Palmgren, yfirmann knattspyrnumála hjá félaginu.

Palmgren montaði sig af gengi Rosengård-liðsins í hlaðvarpi í vikunni og gerði tilraun til að eigna sér heiðurinn af velgengninni.

Frétt af mbl.is

Einum sigri frá titlinum eftir 21. sigurinn í röð

Rosengård hefur leikið 21 leik í sænsku úrvalsdeildinni á leiktíðinni og unnið þá alla. Þarf liðið því aðeins einn sigur til viðbótar til að tryggja sér titilinn. Guðrún er í lykilhlutverki hjá liðinu, sem hefur aðeins fengið á sig fimm mörk.

Caroline Seger liðsfélagi Guðrúnar hraunaði yfir Palmgren á Instagram. „Að fólk skuli trúa honum þegar hann reynir að eigna sér heiðurinn að einhverju sem hann á ENGAN þátt í,“ skrifaði hún og bætti við kúkabroskalli.

Guðrún og fleiri samherjar deildu færslunni og eru leikmenn augljóslega ekki sáttir við ummælin.

• Blogga um frétt