Freyr Alexandersson og lærisveinar hans í Kortrijk sigruðu topplið Genk, 2:1, í belgísku A-deildinni í fótbolta í dag.
Kortijk komst upp úr fallsæti með sigrinum og er nú með 11 stig í 12. sæti deildarinnar eftir tíu leiki.
Patrik Sigurður Gunnarsson varði vel í markinu en Christopher Bonus Baah náði að skoraði gegn honum eftir aðeins sex mínútur. Eftir það lokaði hann rammanum.
Nacho Ferri fagnaði 20 ára afmælisdeginum sínum í dag með stæl en hann skoraði jöfnunarmarkið á 16. mínútu og sigurmarkið þremur mínútum síðar.