Öðrum leik bandaríska karlalandsliðsins í knattspyrnu með Argentínumanninn Mauricio Pochettino við stjórnvölinn lauk með tapi fyrir nágrönnunum í Mexíkó, 2:0, í vináttulandsleik í nótt.
Pochettino stýrði sínum fyrsta vináttuleik um helgina þar sem Bandaríkin lögðu Panama að velli, 2:0, í Austin í Texasríki.
Ekki fór jafn vel í Zapopan í Mexíkó í nótt þar sem Raúl Jiménez og César Huerta skoruðu mörk heimamanna.
HM 2026 fer fram í Bandaríkjunum, Mexíkó og Kanada og er undirbúningurinn liðanna fyrir mótið þegar hafinn þar sem þau þurfa ekki að fara í gegnum undankeppni sem gestgjafar.